عزايم منول

[منجطلتن في السادزي]

صبحكم الله بالخير للي يقرونه الصبح :)

اوما اللي بيقرونه في الليل بقولهم اطلعو وادخلو الصبح :)


صوره جتني في الايميل وحبيت الطها فيذا :)




http://th3diq.com/up/uploads/105a9287cf.jpg (http://th3diq.com/up/)



لاحظو بس الستساتسين وشلون منغزه في الموز :)

تراني عجزت اعرف وش فيهن ذالبوادي,,لاول وهله قلت تمر!! بس اني نقدت على روحي قلت وش تمره الله يحييتس :)

اللي يعرف وش فيهن له جايزه وقدرها ...:)

[روج فوشي]

يووووووووووووووووك ..!!
ياكثر هالفواكه ..كم شارين من كرتون بالله ..!!
..
اما شكل الببسي القديم تحفه :)
والقدور انا اول ماشفتها قلت فيها تمر ...ومكنوز بعد..


شكريات منجلطتن في السادزي...:)

[المحمل]

الأكيد انها من المنطقة الشرقيّة .. من شكل المساند ونقشها ..
واذا قلطوا .. وفتشوا الغطيان بان اللي فيها .
شكرا منجطلة ..

[العجوز]

تــــــــــــمر وببسي مايمشي<<وش هالتمدن
شكلها مهوب عزيمة عشا
تهقون قهوة بعد المغرب
وقلطوهم ع الفواكهة

صورة حلوة منجطلتن بالسادزي
يعطيك الف عافية

[صدى المحمل]

تمر مع ببسي
ماتجي لاو مع فواكه

[عاصفة]

ياحليلهم وعزيمتهم الله من الطهاره في قلوبهم
موب مثل الحين!

[ثدقاويه]

اومآآ الفاكهه اكثر من العشاء ..

شكل اللي مغطى [حلى] <--دققت النظر وهذا اللي طلع معي

امنيتي اذوق الببسي يقولون انه طعم احلى من حقنا ..

منجطله اعزمينا مثل عزيمتهم..}~

[الزهره الفضيه]

واااااااو شكرا ع الصورة المودرن !! ( شكلها في بيتكم )؟
إذا عرفتي كم علبة بيبسي موجودة لك جااااائزة خطيرة ...
يعطيكـ ... ألف عـــــــــــافية ...

[**بنــ الحمايل ـت**]

تراي انا اللي صافه ذا السفره 00

والله يسلمكم ذا البوادي في وسطهن تمر ومشيولن عبسه مغير قبل العزيمه بشهر وانا اوخر
في هالعبس <<< الله من كثره

[ام صفات]

الاول شكله مرقوق ولا قرصان
شكرا على الصوره

[المتواضع]

آآآآه والله ان سعبولتي اقطرت على هالسفره
(تذكرت عزايم أول صح ان مافيها فاكهة لكن العشا كان
في بوادي قديمة وحنا يالصغار منول ماسكين الغضاره
للمعازيم يشربون منها سواء ماء أو لبن(مادروا ان الى
غص الواحد منهم صرنا حنا الي ناظلينه--اي والله ياكلون
ولا يعطونا الا الفضلة--ومنول كل شي فيه شفقه)

[خـولة]

والله اتوقع ياعزيزتي
انه يامرقوق ياقرصان
بس بصراحة الله يعظم اجرها هاللي ترق وش بيكفي هالبوادي
منجطلة
شوفي على اليسار بجنب البادية الأولى شكله صحن كيك
وااااو
مرقوق وكيك وموز >>> تخمه
عشان كذا مكثرين الببسي :)

[منجطلتن في السادزي]

روج فوشي

شكلهم يسوون دعايات:)

عفوياااات خيتوو,,




المحمل

(واذا قلطوا .. وفتشوا الغطيان بان اللي فيها)<<<صدززز؟؟؟ شلون دريتا :)

حيااااك الله والعفو,,,





العجوز

مااااااااااشالله عليتس صايرتن المحقق كونان :)

عاد الله من الطغى وشذا التمر اللي بيحطونه في بوادي :)

الله يعافيتس,,




ولد المبرز

من جد ماتجي ابد

[منجطلتن في السادزي]

عاصفه

وش يحليلهم ماتشوفين الاسراااااف وشلون اجل نااااااه الببسي وش كثره في محل رجالن واحد خمستبباسي :)


ثدقاويه

تهقينه حلا تشيز كيك بالتوت لونه يقول كذا :)

(امنيتي اذوق الببسي يقولون انه طعم احلى من حقنا ..)

<<الطراره حانطه والا وش الفرق :)

لايختي هالحين الفاكهه غليت ابجيب لتس ببسي العايله وحب قرع ابحطه في بوادي :)



الزهره الفضيه

ايه ذي في بيتنا <<<ارانب تناقز :)

اتوقع كرتونين ونص وواحد ببسي :)

الله يعافيتس,,



بنت الحمايل

ياااااااااسنعتس سنعاه تف تف ماااااااااااشاللله :)

ذكرت العفيس اذا جينا نزينه مانزمل الا من تفقيش التمر :)


الامبراطور

العفوو




المتواضع
الله المستعااااان ياهاك الحين,,
مش خشتك بس منتاب ذايقه لين يخلصون الضيوف :)



خوله

(مرقوق وكيك وموز >>> تخمه)
<<<وجعني بطني وانا ما كلت :)


مااتوقع انه مرقوق شكله جح يختي خليتس منطقيه كيك وفاكهه وببسي اكيد معهم جحيحات يبردن التسبد :)

[الملاك الغامض]

منجطله اعترفي هذي صوره لعزيمتكم منول ؟؟

جلست ساعه انا ظر وش اللي فيها

بس ماتجتمع فاكهه وتمر

الا ان كانه حنيني .....

[منجطلتن في السادزي]

الملاك الغامض


يعني هالحين الحنيني هو اللي يجي مع الببسي والفاكهه كله صبه احقنه :)

انا اهقاه جح اسود :)

[أبو علي]

ذولا فسقانين فاكهه ؟

أجل كل واحد له صحن ..!

موضوع رائع ..بس صورة ماتيزي..

[مثل البخور]

هذا الشغل مهوب شغل مطابخ... الوحده تتفنن في الذبيحه
سمو الله يحييكم
يبيله

[منجطلتن في السادزي]

ابو على

الجود من الماجود :)

تسلم عالمرور,,



مثل البخور
وش ذبيحته الله يحييك كله كم كيلو تمر مكنوز :)

الله يحييكم على قل الكلافه :)

[مسير عليهم]

من الوهله الاولى تمر مكنوز


والله العالم

[مديحة]

لااااااااااااااااا
صدق انكم ما تعرفون شي عن الماضي العريق
امي تقول هذا شكله جريش فوقه كشنه
وذا الكشنة زايدين فيها البهاراات مرة
فصارت بنية ...


من يوافقني :) ؟؟

[سوآليفه آنآإ]

لو احظر عزيمه فيها مثل هالقدور احتمال اغص باللقمه هع
امزح



بس لفت نظري الكم الهائل من البباسي والفاكهه
بس جدمتمدنين حاطين كيك؟؟
يسلمووو منجطله

[•●• شباصة •●•]

الحين عدد هالبباسي بيجي معازيم اجل موب ميزيهم السماط

[المحمل]

امي تقول هذا شكله جريش فوقه كشنه
وذا الكشنة زايدين فيها البهاراات مرة
فصارت بنية ...


من يوافقني ؟؟

اقرب توقع يا مديحة .. :)
ليتك تسألينها عن تاريخ العزيمة .. و .. وينها فيه .:msn-wink:

[عاصفة]

لااااااااااااااااا
صدق انكم ما تعرفون شي عن الماضي العريق
امي تقول هذا شكله جريش فوقه كشنه
وذا الكشنة زايدين فيها البهاراات مرة
فصارت بنية ...


من يوافقني :) ؟؟

لا انا مااوافقك شوفي الغطيان مرتفعه لوانه جريش ماارتفعت كذا
اللي فيها شي قاسي بس مدري وشو

[هبايب صيف]

عزيمة فواكه هههههههههه

اللي داخل القدور أكلات شعبية

هريسة باللحم

من أفضل الأطباق
(تبي تجربها أطلبها من الشعبية بالشرقية وبتدعي لي"25ريال")

[الملاك الغامض]

ههههههههههههههه ,,, آقول مديحه وينا فيه كل ذا كشنه آجل صار كشنه بالجريش

سلميني على امتس هماه

[عاصفة]

اشغلتنا ذا اقدور واللي فيها
الله من الشفاحه فينا

[منجطلتن في السادزي]

مسير عليهم
مديحه
مس ديور
عاصفه
هبايب صيف
الملاك الغامض

اسعدني تواجدكم وشفاحتكم :)





,,
شباصه
لاييزيهم,, ردين ياقلبي همن البزران همن الحريم ويالله تبد عليهم ذالبباسي:)

[مديحة]

الا .. كشنة جرييييييييييييييش غصب عليكم
والقدور هم اللي رافعينها عشان يصورون ..


ماعلي منكم ابنشر ذا الصور في المنتدياااات وبقول
وشرااايكم في كشنة الجريش ؟؟؟

[همام]

الظاهر كلكم ما عندكم ما عند جدتي الله يرحمها
من سحنة الرجال وكشخته بالكوت وشكل المساند وشكل القدور
يبدولي ان هالعزيمة عند ابو سعيد الزهراني او الغامدي
الله يحفظه وهذي اكله من اكلاتهم الشعبية.
وفيه احتمال ثاني وهو الأقرب برضه في جنوب المملكة ولكن
جنوب شرق المملكة وتحديد في الأفلاج عندهم اكله يسمونها
الميقعة وهي عبارة عن بر ولحم وتشبه القرصان عندنا
وتشتهر في الأفلاج وفي وادي الدواسر .
هذا والله أعلم وصلى الله على نبينا محمد وعلى آله وصحبه وسلم

توشوكر افندم
منجطلتن ... etc

[منجطلتن في السادزي]

همام

استنتاج معقول اثرك ذهين وحنا ماندري :)

توعوفات باشا :)

حياك الله,,,

[شوكولاته]

مشكوره عالصوره