هــمــوم ... وامـنـيـــات ..... من اجل ثادق ( بالصور )

[المحمل]

حيّا الله اهل ديرتي ..
موضوع كان يراودني من مدة طويلة ..
وصورت له من مبطي.. مجموعة صور ..
وكل ما جيت اضيفه .. يحصل ظرف ويتأجل !!
قلت .. عسى في الأمر خيرة..
كود يتعدّل بعض مافيه .. !!
لكن .. مافي امل .. على الأقل في الوقت المنظور القريب .
خصوصا بعد ما حضرت اجتماع المجلس البلدي !!
==========
========
خارج الموضوع ..
خمسة اعضاء .. ولا واحد منهم تكلّم !!!
المفروض النقاش كلّه معهم... ولكن !!
رئيس البلدية .. اكل الجو..
( يمكن انهم مفوضينه !! )..
مع انّه يستاهل.. متحدث لبق.. مستعد لكل حادث .
وصريح.. ولا يحب الكذب.. ولا التمثيل ( عندي دليل ) .
===========
ندخل في الموضوع :
ثادق كلنا نحبها ولو ما افصحنا عن ذلك .
نتمنى لها الرفعة والتقدّم.. وهذا من حقنا .
والنقد الهادف .. يدخل ضمن المحبة .
لأن فيه اشياء لا يسمح لنا بالتدخل فيها.. ولكنها تمس احاسيسنا.. وامزجتنا .
ومن ذلك الاشكال الجماليّة الموزعة في الديرة.. والمداخل ..
واليكم بعض من ذلك :
========
http://aseeb5.jeeran.com/photos/212110_l.jpg
المسطح الأخضر ..
لمسة جميلة.. تحتاج صيانة دائمة.. خاصة ( الثيّل ) .
========
http://aseeb5.jeeran.com/photos/212111_l.jpg
http://aseeb5.jeeran.com/photos/212112_l.jpg
المدخل الجنوبي..
هل انعدمت الخيارات.. لنقوم بتقليد بوابة المطار !!
http://aseeb5.jeeran.com/photos/212113_l.jpg
لوحات جانبيّة.. مافيها لمسة فن !
http://aseeb5.jeeran.com/photos/212114_l.jpg
http://aseeb5.jeeran.com/photos/212120_l.jpg
نسب غلط.. ( رسام هندي او بنقالي ) !!
وشلون يتعامل مع بيئتك !!
=========
http://aseeb5.jeeran.com/photos/212121_l.jpg
http://aseeb5.jeeran.com/photos/212122_l.jpg
الدوار الجنوبي !!
يقولون انّه فانوس !!
هل في تراثنا فانوس..
ويقولون جرّة !!
هل الجرّة من تراثنا ..
الى هالحين ما نعرف وشو ؟؟!
بس انا خمنت ماهو ذلك الشئ ..
اقرب ماله ( تمثال بوذا ).. باعمدته التسعة .
نقلوه من افغانستان .. الى عبيثران .. ههههه .
==========
http://aseeb5.jeeran.com/photos/212123_l.jpg
المدخل الشمالي ..
انا اسميه ( الم ....ه ) ..
خسارة فلوس فيه وفي غيره..
ممكن الاستفادة منها في اعمال صيانة .
=========
http://aseeb5.jeeran.com/photos/212124_l.jpg
قصر الاحتفالات ..
ليش ما يستثمر في المناسبات العامة والخاصة ..
كالزواج .. والعزايم ..بأسعار مخفضة ..
تستفيد البلدية .. وابن البلد.. بدل ماهو مغلق ( 355 ) يوم في السنة ؟!
=========
http://aseeb5.jeeran.com/photos/212131_l.jpg
دوار ( الخسارة ) ..
اول مرّة اشوف دوار .. رفيع !!
مع انه كان ارفع بس نزلوه شوي .
حتى خدمته للسيارات معدومة..
غير مطابق لأي مواصفات .
ونعرف نظام الدوارات ( الآولوية لمن بداخل الدوار ) .
هنا .. الأولوية للي يجي مسرع !!
==============
http://aseeb5.jeeran.com/photos/212129_l.jpg
ناتي للطامـّــة ...
القويرة ..
انا سميتها ( صباح ) ..
نسبة لملكة عمليات الشد والتشبيب .. والتجميل .
ذلك الجبل الرمز .
http://aseeb5.jeeran.com/photos/212128_l.jpg
من كثر ما لعبوا فيه بنيان وهد.. وابراج ..وتشجير .
ايعقل ان يصبح كفر الوايت حوض زهور !؟!
نعم عندنا موجود في القويرة .. كفرات مدهونة وكان فيها زهور .
تراث ياباني ( قمة العجب ) .
ليش ما ترحمونه وتخلونه على طبيعته اللتي خلقه الله عليها ..
فهي اجمل ملايين من لتكم وعجنكم .
http://aseeb5.jeeran.com/photos/212130_l.jpg
الآن انظر الى الجبل .. مياه المشروع خربت لونه..
وما زالوا يلعبون فيه الى الآن.. بلك وليات وشجر يابس ..
غصب يصير زين ؟؟ والا فيه ناس مستفيدة من المطرسة فيه .
اكاد اجزم ان كل الأشكال اللي تكلمت عنها .. وراها ناس مستفيدة ماديا ..
ولا يهمهم مصلحة البلد ..
مهوب هالحين ..
من زمان كور كاس العالم.. اللي ماليه الديرة قبل سنين .
هل انعدم تراثنا من الابداعات حتى نبني ابراج وجدران مثل حقة جيزان
( اللي فوق الباطن الجنوبي ) .
=======================
عشمنا في رئيس البلدية.. فهد ابن منير المخلفي ...
لتعديل بعض ما في البلد من ظواهر شاذّة ومناظربذيئة على العين .
خاصة مداخل البلد من جميع الجهات واللتي لا تطابق ادنى معايير السلامة المرورية .


خصوصا وانه اول ما جا .. توسّم فيه الناس خيرا ..
وفرض نظاما صارما.. في وقت وجيز ..
لكن ... وآه من لكن :
كانّه بدأ في التراخي.. ولسان حاله يقول ..
انا وش محرق رزي ..
اذا اهل الديرة ماهم حريصين على التعديل .. انا وش حادني اتعب .
لالا..
انت يابو منير .. في موقف مؤتمن عليه من ربك.. وهو الرقيب والحسيب ( سبحانه ) .
10-3-1428هـ

[ابراهيم السعيّد]

السلام عليكم ورحمة الله وبركاته


كفييت ووفييت يامال الجنه

وان شاء الله يلقى موضوعك صدى طيب لدى ابو منير

[ثقة بلا حدود]

===========
ندخل في الموضوع :
ثادق كلنا نحبها ولو ما افصحنا عن ذلك .
نتمنى لها الرفعة والتقدّم.. وهذا من حقنا .
والنقد الهادف .. يدخل ضمن المحبة .
لأن فيه اشياء لا يسمح لنا بالتدخل فيها.. ولكنها تمس احاسيسنا.. وامزجتنا .


المحمل مشكووووور شيء رائع ويسطر بماء الذهب
سلمت اناملك يا حموووول

[المحمل]

ابن سعيد..
هلا بك ..
الملاحظات كثيرة .. ولكن هذا اللي نشوفه كل ما جينا ورحنا( خطّف عيوننا ) .
.. الله يسخّر ( ابومنير ) .. ويسخر له بطانة لها ذمّة.. وتحب ديرتها ..نصف ما تحب مخابيها !!

[المحمل]

ثقة بلا حدود..
حياك الله ..

المحمل مشكووووور شيء رائع ويسطر بماء الذهب
سلمت اناملك يا حموووول
مشكور .. يامال العافية ..

[مسير عليهم]

تسلم والله على موضوعك ومع انك سبقتني بالاشياء هذي

والله كل مادخلت ثادق افكراللين اوصل لبت اختي وكل تفكيري بالدوار الجنوبي وش ومعناه

وعسى يفهمون

ووعيد واقول ثادق لازم يمسكها ولدها والا مخابي غيرنا بتمتلي

[هماليل]

شكرا لك كفيت ووفيت ..

لكن هذه مشاريع جمالية ...

الاولويات التي نطالب بها مشاريع تنمويه .. تتناسب مع كون ثادق محافظة ( ب )

كليات - معاهد تدريب - توسعه او تقويه شبكة الجوال والهاتف الثابت ..

[المحمل]

مسير عليهم ..
هلا بك ..
انا اتوقع .. بل اجزم .. ان راعي التصميم ( بوذا ) .. ما يدري وشو الين
صار على الطبيعة !؟
يجيهم الصبح ( ينقّب سنونه عقب الشكشوكة ) ..
ويشر .. حطوا منّا عمود.
لفو بذي ... او اللي تشوفونه .. بس انجزوا ؟!؟
اتحدى اذا عندهم تصور .. او رسم معماري للشكل قبل يصير !!
مشكور .

[المحمل]

عبد الله ..
مرحبا ..
الاولويات التي نطالب بها مشاريع تنمويه .. تتناسب مع كون ثادق محافظة ( ب )

كليات - معاهد تدريب - توسعه او تقويه شبكة الجوال والهاتف الثابت ..

انا معك .
كل اللي قلته صح .
بس لو اكتب كل الملاحظات اللي نبيها .. يبي لي صفحات ..
والمطالبات اللي نريدها للديرة فيها اشياء خاصة بالبلدية .. وغير البلدية .
ويبقى دور لأهل البلد ..هنا وهناك.. في المطالبات بالمشاريع التنموية..
وكذلك الدعم ( المادي ).. من الميسورين.. ويا كثرهم .. ويا كبر عقوقهم لديرتهم .!!
================
انا ركزت على مشاريع اعطيت لغير اهلها !!
خاصة الدوارات.. والمسماة اشكال جماليّة..!!
كلوا من وراها .. فلوس البلديّة.. والتنفيذ سيء جدا .!!
( ايعقل ان يكون الكفر .. شكل جمالي ؟؟؟ ) .
مشكور على المداخلة .

[مسير عليهم]

ولا مايذبحن الا حديقة الملك فهد

حاطين لوحه مواعيد الزيارة وشاطبين عليها ومع اني مادخلتها لكن اجزم انها ميته من الداخل والا مبنى الاحوال والجوازات ماأقول الا الله يعيننا

[ΰـl נ قـي]

السلام عليكم ورحمة الله وبركاته


يمال العافية و الله انك صادز بكل حتسوتن قلته بهالموضوع

مير انا ما دبل تسبدي إلا إنهم يشتغلون بمتسان همن يتركونه ما يكملونه
و يشتغلون بشي ثاني و الله حامت تسبودنا من شغل المطاريس ...

عندك مثلا ً مثل ما قلت عن المسطحات الخضراء على قولتهم
أنا أقول انها مثل اللي براسه ثعلبه مستان فيه شعر و متسان ما به شي ...


و بالنسبة للمدخل الجنوبي هاللي قلت المجسمات إلا يحطون مثل بوابة المطار
قسم قسمات إنهم حطوه تسذا خنبدزه لا عاد مدري من وين جايبين هاللي رسم
لهم هالرسمات لو يرسم واحد من هالبزارين تسان رسم أحسن من رسمه
و أهم شي في الرسومات اللي رسموها الوردة ما ادري من متى صارت الوردة
من بيئتنا هالصحراوية ...

همّن يجيك الدوار الجنوبي و ما ادراك ما الدوار الجنوبي كل ما أقبلت عليه
و شفته قلت وش هالسن اللي ماكله السوس و الله شي يدبل التسبد ...

و فجأة ننقز للدوار الشمالي عاد هذاك شي ثاني صراحتن له إسم بس خلها مستوره
ما أدري من اللي رسم لهم هالمجسم الفاشل لا بعد ترى كان على اليمين و اليسار
فيه ثيّل بس توفى الله يرحمه ...

عاد الحين نجي لقمة الغباء و السماجة في قصر الضيافة مدري ليه حاطينه
بآخر الديرة و فوق الضلع المفروض هذا يكون واجهه للديرة ...

و دوار الخسارة على قولتك يا زين الإشارة متسانه مدري وش الحكمة من الدوار يوم الإشارة متسانه ولا به أزين منه مهوب الحين صار من سبق لبق بهالدوار
اللي يدخل بالدوار الأول هو اللي يمشي و لا فيه أي تنظيم ...

نجي للقويرة هذي أتوقع بيجي يوم من الأيام بيلبسونه فستان كل شوي يحطون به
سميت و مدرجات عاد شف وش بيصير بهالمدرجات الله يستر لا يحطون إضاءات
أخضر و أحمر و طقتها همن بتتحول الحديقة إلى قاعة أفراح ...

مير تراك نسيت المجسم اللي مكتوب به مدينة ثادق ترحب بكم الصدز
مدري متى آخر مره شفت إضاءته تشتغل الظاهر قبل لا أعرف الحار من البارد
ما أدري وش السوات بهالإهمال ...


كل هالحتسي فاضت به قريحتي من القهر اللي رافعن ضغطي قسم قسمات
لا دخلت هالديار اللي قريبتن من الديرة و شفت شغل بلديتهم قلت ما شاء الله عليهم
شغل سنع و شيء يوسع الصدر مهوب مثل بلديتنا اللي (( بعضهم )) همه بس وين
الدراهم يشتغل ببعضها و يحط بعضها بمخباته ..

ما نقول إلا الله يصلحهم و يكونون قد الأمانة الموكله لهم ...

و مير آسف على الإطالة

و السلام خير ختام ,,,

[ابراهيم السعيّد]

السلام عليكم ورحمة الله وبركاته


يمال العافية و الله انك صادز بكل حتسوتن قلته بهالموضوع

مير انا ما دبل تسبدي إلا إنهم يشتغلون بمتسان همن يتركونه ما يكملونه
و يشتغلون بشي ثاني و الله حامت تسبودنا من شغل المطاريس ...

عندك مثلا ً مثل ما قلت عن المسطحات الخضراء على قولتهم
أنا أقول انها مثل اللي براسه ثعلبه مستان فيه شعر و متسان ما به شي ...


و بالنسبة للمدخل الجنوبي هاللي قلت المجسمات إلا يحطون مثل بوابة المطار
قسم قسمات إنهم حطوه تسذا خنبدزه لا عاد مدري من وين جايبين هاللي رسم
لهم هالرسمات لو يرسم واحد من هالبزارين تسان رسم أحسن من رسمه
و أهم شي في الرسومات اللي رسموها الوردة ما ادري من متى صارت الوردة
من بيئتنا هالصحراوية ...

همّن يجيك الدوار الجنوبي و ما ادراك ما الدوار الجنوبي كل ما أقبلت عليه
و شفته قلت وش هالسن اللي ماكله السوس و الله شي يدبل التسبد ...

و فجأة ننقز للدوار الشمالي عاد هذاك شي ثاني صراحتن له إسم بس خلها مستوره
ما أدري من اللي رسم لهم هالمجسم الفاشل لا بعد ترى كان على اليمين و اليسار
فيه ثيّل بس توفى الله يرحمه ...

عاد الحين نجي لقمة الغباء و السماجة في قصر الضيافة مدري ليه حاطينه
بآخر الديرة و فوق الضلع المفروض هذا يكون واجهه للديرة ...

و دوار الخسارة على قولتك يا زين الإشارة متسانه مدري وش الحكمة من الدوار يوم الإشارة متسانه ولا به أزين منه مهوب الحين صار من سبق لبق بهالدوار
اللي يدخل بالدوار الأول هو اللي يمشي و لا فيه أي تنظيم ...

نجي للقويرة هذي أتوقع بيجي يوم من الأيام بيلبسونه فستان كل شوي يحطون به
سميت و مدرجات عاد شف وش بيصير بهالمدرجات الله يستر لا يحطون إضاءات
أخضر و أحمر و طقتها همن بتتحول الحديقة إلى قاعة أفراح ...

مير تراك نسيت المجسم اللي مكتوب به مدينة ثادق ترحب بكم الصدز
مدري متى آخر مره شفت إضاءته تشتغل الظاهر قبل لا أعرف الحار من البارد
ما أدري وش السوات بهالإهمال ...


كل هالحتسي فاضت به قريحتي من القهر اللي رافعن ضغطي قسم قسمات
لا دخلت هالديار اللي قريبتن من الديرة و شفت شغل بلديتهم قلت ما شاء الله عليهم
شغل سنع و شيء يوسع الصدر مهوب مثل بلديتنا اللي (( بعضهم )) همه بس وين
الدراهم يشتغل ببعضها و يحط بعضها بمخباته ..

ما نقول إلا الله يصلحهم و يكونون قد الأمانة الموكله لهم ...

و مير آسف على الإطالة

و السلام خير ختام ,,,


وعليكم السلام

ههههههههههههههههه كلام في الصميم والله

هل يعقل ليس في البلد من يوقف هذه المهازل ؟

هل معقول انه لا يوجد في البلد من يوجه المسؤولين لاعادة تهيئة الشارع العام

وفي اسرع وقت ممكن وبدون تردد وضمن خطط مدروسه

اهل سدير يقول لي وش سالفة دواراتكم ؟ لاتكون بوسط طريق السريع ؟

كبير كبير كبير مررررررررررره خخخخخخخخخخخخخخخخخخ

[مسير عليهم]

ايه اذا المحافظ مهوب من الديرة ورئيس البدية مهوب من الديرة وغيروغير

واهل الديرة غايصين بالرياض ولاهين بالاسهم وشلون تبون ثادق تفتح النفس

[ابراهيم السعيّد]

تبدأ البلدية الآن في وضع قواعد على الأرصفة لتسمية شوارع oooo وتسمية الأحياء والشوارع الداخلية -- وبصراحة
اننا نعاني من التوصيف للشركات ولكتابة العنوان لمنزلك نكتب oooo المخطط وبس --- لكن الحين بنكتب حي كذا شارع كذا-- بس عسى الأسماء يكون لها ارتباط بتاريخ البلد--- مثلا-- شارع ooooo-- شارع الجفارة-- اضافة الي اسماء الأسرة الحاكمة---
وياليت ابوعبد العزيز يزودنا بصور القواعد اللي في شارع الأربعين وغيره-- ونسمي شارع الغاز طريق ابوعبدالعزيز---
وتقبلووووووووووا تحياتي

يااخوان انا شفرت اسم المركز ولعلمكم -ومن ناحية التلميح- تراهم عندهم دي اس ال وشغل ميه ميه في هالديره مهوب مثلنا ضيعه من جميع النواحي

[المحمل]

مسير عليهم ..
يقولون ..
( اتسع الخرق على الراقع ) .
يامالك من العذاريب ... لكن لعل في القادم خير .
شكرا لك .

[المحمل]

ثادقي ..
لا هنت .. معناها اننا متفقين على كل هالملاحظات .. وأكثر .
مشكور وما قصرت على التوضيح ..
و.... فش غلّك .

[المحمل]

بن سعيد ..
صايرين مضحكة .. من ايام كور كاس العالم .. واشوى افتكينا منها .
شكرا لك .

[المحمل]

مسير عليهم ..
هلا بك ..
المحافظ .. ماسك له واحد من شباب الديرة ( يمكن انه مسوي ازعاج بسيارته ) ..
تدري وش سوا به ..
مسطره قدام الله وخلقه !!!!
متى كان يملك صلاحية الضرب .. ومن اعطاه هذه الصلاحية ؟؟؟
المصيبة ان اهله سكتوا .. ويقولون ( متزدي فيه ؟!! ) .
وعياله يطلعون بسيارات الحكومة .. من المركز عيني عينك .. وهم اصغر من ( تصريح قيادة ) .
============
اما رئيس البلدية .. فما زال فيه امل .. ويعدنا خيرا ..
وسننتظر كما انتظرنا غيره سنين .

[الباحث عن الحقيقة]

هـــلا والله أخوي المحمل ..

أشكرك على طرح هذا الموضوع الحساس .. الذي يناقش وضع محافظتنا الغالية ..

.

في البداية ..

لا بد أن نشكر ما تقوم به بلدية ثادق من جهد وعلى رئسهم المهندس فهد المخلفي ..

ولا بد أن نعلم أن الأذواق تختلف من شخص لشخص آخر ..

وأن ما تبذله البلدية من جهد قد يتفق الجميع على جماله وإبداعة .. وقد يعجب البعض والبعض الآخر لن يعجبه ..
وكذلك قد لا يتفق الكل على جماله ..
وهناك مسببات لك فئة ..

فلعلنا ولعل البلدية تسلط الضوء على النقاط التي لا يتفق الكل على جمالها .. بل يتفق الكل على سلبيتها ..
ونبتعد قدر الإمكان على التي نختلف فيها لكي لا تسبب الفرقة أكثر وأكثر ..

لو نظرنا إلى بلديتنا الغالية ..

لوجدناها تبذل الجهد والمال في المحافظة ..
لكنها تفقد بعض الأشياء منها ..

* عدم الإهتمام فيما بذلت و أنفقت عليه البلدية في السنوات الماضية ..
وعلى سبيل المثال .. القويرة .. سابقاً كان من أروع ما يكون بالشلال والأنور ..
لكن الآن إذا نظرت له تتحسف على ماضيه ..
وكذلك الجبل المقابل له .. المكتوب في الجبل محافظة ثادق ترحب بكم .. لا يوجد لها أي إهتمام الآن ..
وغيرهم الكثير ..

وسنرى في الأيام القادمة المسطحات الخضراء .. ستفتقد العناية بها ..
وسيكون الإهمال سمتها كما في سابقاتها ..


* عدم وجود اللمسات الجمالية في كثير من المعالم في المحافظة ..

وما ذكره الإخوه أكبر دليل على ذلك ..

* أيضاً هناك بعض المشاريع نجدها في منتصف العمل وبعد أن قطعت جزءاً كبيراً للإنتهاء نجدها تقف ..!!
لا تستكمل .. إلا بعد جهدٍ جهيد ..
ما السبب ..
ألم توضع ميزانية كافية قبل البدء في العمل ..؟ أم ماذا ..؟

.

الكلام واجد لكن أحببت أن أختصر قد الإمكان ..

وشكر الله لك أخي الحبيب المحمل ..

[المحمل]

حيا الله ..
الباحث عن الحقيقة ..
وشرفت ... نا ..
كل اللي قلته على الراس والعين .
وفي محلّه بنسبة كبيرة .. ولكن ..
القويرة ( الصبّوحة :icon28: ) .. مهوب ازين لو خلوها بكر .. كما كانت !!.
ويوم لعبوا في بكارتها... كل من مطرس مل وخلاها .. جا غيره ومثل قبله .. والى
الآن والعرسان يتوافدون ...
ونحن نشرب باعيننا .. شحوبها !؟؟! .:no:


=============
فيه مثل يقول ..
عط الخباز خبزه ولو اكل نصفه ..
ومن عندي .. عط الخباز خبزه ولو كله كلّه .
نبي شي نرفع روسنا الى حكينا فيه قدام الناس .
مشكور الباحث .

[ولد الديرة]

الدوار الجنوبي !!
يقولون انّه فانوس !!
هل في تراثنا فانوس..
ويقولون جرّة !!
هل الجرّة من تراثنا ..
الى هالحين ما نعرف وشو ؟؟!
بس انا خمنت ماهو ذلك الشئ ..
اقرب ماله ( تمثال بوذا ).. باعمدته التسعة .
نقلوه من افغانستان .. الى عبيثران .. ههههه .

ههههههههههههههههههههههه

الله يسلمك بس

اجل بوذا خخخخخخ

المهم والله انك صادق .. ثادق وضعها شاذ بالفعل ..

يعني اللحين يوم انهم يحطون الكورنيش وشو له ؟؟

ترى اول ما حطوه قلبوه الشباب ساحة تفحيط !!

وهذا وانا اخوك هو المكلف وخساير قروش .. والمستفيد الاجانب

اما اللوحات هذي اللي صدق غلط في غلط :crazy: ..

احسن شيء شق بهيتا مخلينه على طبيعته .. ومخلين الشباب يتهنون فيه ..

انا اخبر فيه غار ورى مزارع الجرباء .. والله انه على مستوى ..

ليش ما يزفلتون دربه ؟؟

وبالنسبة لقصر الضيافة هذي الفضيحة بكبرها والله

يكفي تشوف النخل اليابس في الجلسات اللي جنبها

والله المفروض واجد .. واوله التفات رجال الديرة وتجارها .. لان الديرة على الله ثم عليهم


ويعطيك الف عافية

[ولد الديرة]

السلام عليكم ورحمة الله وبركاته


يمال العافية و الله انك صادز بكل حتسوتن قلته بهالموضوع

مير انا ما دبل تسبدي إلا إنهم يشتغلون بمتسان همن يتركونه ما يكملونه
و يشتغلون بشي ثاني و الله حامت تسبودنا من شغل المطاريس ...

عندك مثلا ً مثل ما قلت عن المسطحات الخضراء على قولتهم
أنا أقول انها مثل اللي براسه ثعلبه مستان فيه شعر و متسان ما به شي ...


و بالنسبة للمدخل الجنوبي هاللي قلت المجسمات إلا يحطون مثل بوابة المطار
قسم قسمات إنهم حطوه تسذا خنبدزه لا عاد مدري من وين جايبين هاللي رسم
لهم هالرسمات لو يرسم واحد من هالبزارين تسان رسم أحسن من رسمه
و أهم شي في الرسومات اللي رسموها الوردة ما ادري من متى صارت الوردة
من بيئتنا هالصحراوية ...

همّن يجيك الدوار الجنوبي و ما ادراك ما الدوار الجنوبي كل ما أقبلت عليه
و شفته قلت وش هالسن اللي ماكله السوس و الله شي يدبل التسبد ...

و فجأة ننقز للدوار الشمالي عاد هذاك شي ثاني صراحتن له إسم بس خلها مستوره
ما أدري من اللي رسم لهم هالمجسم الفاشل لا بعد ترى كان على اليمين و اليسار
فيه ثيّل بس توفى الله يرحمه ...

عاد الحين نجي لقمة الغباء و السماجة في قصر الضيافة مدري ليه حاطينه
بآخر الديرة و فوق الضلع المفروض هذا يكون واجهه للديرة ...

و دوار الخسارة على قولتك يا زين الإشارة متسانه مدري وش الحكمة من الدوار يوم الإشارة متسانه ولا به أزين منه مهوب الحين صار من سبق لبق بهالدوار
اللي يدخل بالدوار الأول هو اللي يمشي و لا فيه أي تنظيم ...

نجي للقويرة هذي أتوقع بيجي يوم من الأيام بيلبسونه فستان كل شوي يحطون به
سميت و مدرجات عاد شف وش بيصير بهالمدرجات الله يستر لا يحطون إضاءات
أخضر و أحمر و طقتها همن بتتحول الحديقة إلى قاعة أفراح ...

مير تراك نسيت المجسم اللي مكتوب به مدينة ثادق ترحب بكم الصدز
مدري متى آخر مره شفت إضاءته تشتغل الظاهر قبل لا أعرف الحار من البارد
ما أدري وش السوات بهالإهمال ...


كل هالحتسي فاضت به قريحتي من القهر اللي رافعن ضغطي قسم قسمات
لا دخلت هالديار اللي قريبتن من الديرة و شفت شغل بلديتهم قلت ما شاء الله عليهم
شغل سنع و شيء يوسع الصدر مهوب مثل بلديتنا اللي (( بعضهم )) همه بس وين
الدراهم يشتغل ببعضها و يحط بعضها بمخباته ..

ما نقول إلا الله يصلحهم و يكونون قد الأمانة الموكله لهم ...

و مير آسف على الإطالة

و السلام خير ختام ,,,



يا بعدي على هالاسلوووووووب

يا شيخ تعال ابوس راسك .. يسلملي هالثدقاوي اصل وفصل .. يا بعدي والله

ياخوي لاتلومني والله اني فاق اول واحد اشوفه في هالمنتدى .. يكتب بلهجة ثادق الاصيلة ...

ولا بعد مصخرة على تسيف تسيفك هههههههههههههههه .. ولا بعد ذكرتني بعيال الديرة << تراه من شلة الرياض لا تلومه ..

خالص تحياتي يالغلا

[أبو علي]

ΰـl נ قـي+قصمنجي

للأسف لم تتقن اللهجه بنفس الأسلوب

[المحمل]

ولد الديرة ..
انا اخبر فيه غار ورى مزارع الجرباء .. والله انه على مستوى ..

ليش ما يزفلتون دربه ؟؟
هذاك اسمه ( غار مصيدير ) ... رائع جدا .. وواجهته جنوبية ..
صاد عن الهوا .. بارد .
لكن راح مع شبوك بندر ..
حسبنا الله ونعم الوكيل .
شاكر مرورك وغيرتك .

[فلان بن علان ..!!]

مشكوووووووووووووووووووووووووووووووووووور


والله إني معك في الدوار الجنوبي



الدوار الجنوبي !!
يقولون انّه فانوس !!
هل في تراثنا فانوس..
ويقولون جرّة !!
هل الجرّة من تراثنا ..
الى هالحين ما نعرف وشو ؟؟!
بس انا خمنت ماهو ذلك الشئ ..
اقرب ماله ( تمثال بوذا ).. باعمدته التسعة .
نقلوه من افغانستان .. الى عبيثران .. ههههه .

[أبو علي]

وهل أي دوار أو منظر جمالي يلزم أن يكون من التراث؟؟

[ثقة بلا حدود]

ههههههههههههههههههههههههههه

زحمممممممممممممممممممممممممممممممممممممه

[المحمل]

فلان بن علان ..
تسلم .. واجد اللي نفس الوضع .
شكرا لك .
=========
ابو علي ..
مرحبا بك هنا ..
وهل أي دوار أو منظر جمالي يلزم أن يكون من التراث؟؟
لا ..
ولكن ماذا تريد ان يوضع في دوار ؟؟
مجسم للبلدية .. او ماشابه ؟؟
لو فيه شكل جمالي .. تجريدي .. سريالي .. طبيعي .. ممكن .
بس يكون مدروس .. لأنّه واجهة البلد ..
والأفضل بنظري .. ان يكون من موجودات البلد .. يحكي تاريخ .. يرمز الى حقبة زمنية .. ( وهنا لا افضل من التراثيات ) .
تراثيات .. وليست مقتنيات قديمة .
مثال :
مرات حاطين سيارات فروت.. في المدخل !!
شكلها حلو .. لكن لا علاقة لها بالبلد.. الا ان كان مرات تابعة لأمريكا .
الغاط حاطين اباريق صينيّة .. وارد سعد حباب الجبر ( شارع السبالة !!) .
نفس الوضع .
==============
لو يحطون نخلة افضل.. وبدون تعب وخساير ..
المفروض ان يكون الدوار رسالة للقادم الى البلد .. ومميّز .. لو ببساطته .
الموجود الآن ( لغز ) .
الا ان يكون هدف اللي حاطّه .. انّه من التراث العربي القديم !!
ممكن نتقبل ذلك .. بشرط ان يكون التنفيذ جيّد ... وهو مالم يتوفر في ( بوذا ) .
============
لعلّك فهمت ما اقصد ؟
شكرا لك على التعقيب .
===============
ثقة بلا حدود ..
هذا اللي يجي وقت الذروة يلقى زحمة ..:harhar1:

[ولد جدي]

لاحياة لمن تنادي ..


بس اعجبني دوار المـ .. هـ ههههههههههههه

جزاك الله خير اخوي المحمل كفيت ووفيت واتمنى ان موضوعكـ يوصل لأصحاب المعالي المتفاخرين بكراسيهم .. ليس الا ..

تحياتي واحترامي

فهد

[فارسهم]

السلام عليكم ورحمة الله وبركاته
يا أخوي (المحمل)

ثادق وبس حتى لو يحطون كفر فوقه حزمة تبن (وانتم كرامه) تبقى الأولى في القلب

صح أننا نطمع في الأفضل بس لازم نتحرك و ندهر

و شاكر لك موضوعك القيم بـــــــــــــــــــــــــــــــــس
لو انك ما حطيت ........ الدوار...........م؟؟؟؟؟؟؟؟؟؟؟؟

[المحمل]

ولد جدي ..
لعله وصل .. للمسؤولين ..
شكرا لك .
=========
فارسهم ..

ثادق وبس حتى لو يحطون كفر فوقه حزمة تبن (وانتم كرامه) تبقى الأولى في القلب
ليش مايصير بدل الكفر مزهريّة .. وبدل حزمة التبن ورده .. مهوب اجمل .. وارخص !!!!!!!
شكرا لك ..
وثادق تحبك ايضا .