ال ( دي اس ال ) .. في ثادق .. قريـــبــــاً ... والتقديم بــدأ اليوم .

[المحمل]

بدأت شركة الاتصالات .. في استقبال طلبات ال ( دي اس ال ) ..
في دكانهم الّي في ثادق ( اعزها الله ) .
وافاد مراسلي ( خويي ) في الديرة انهم بدأوا في استقبال الطلبات من امس ( الأحد ) .. وذلك
بوضع اعلان على بابهم .. وتناقل الناس الخبر ,
الظاهر يبي يجمعون الطلبات.. ويرفعونها .. للرياض .
ويقولون ان الخدمة ستنزل بعد شهرين من الآن21- 3-1428 هـ .
هذا مالدي وانا في الرياض الآن .
عطونا العلم ياللي في الديرة .

[مسير عليهم]

توهم يستقبلون الطلبات

خبري اني سامع ان الدي اس ال واصل من فترة في ثادق

[كوكتيل]

والله حنا يالقريبين منهم في الرياض يالله وصلنا وشلون البعيدين

[عبدالعزيز]

هو صادز كوكتيل ..

أهل الرياض بالطق والطقيق جاهم ..

زد على ذلك إن المحمديه على خبري ما بعد جاهم شي ..

بالذات المربع اللي بين الملك فهد والملك عبدالله والتخصصي واسكان الخارجيه ..


عساها خيره لاهل الديره ,,,

[مسير عليهم]

اللهيخلف علينا الدير اللي حولنا واصلهم الدي اس ال قبل رمضان اللي راح

وفي ثادق توهم يتحركون

مارديت للمره الثانيه الا يوم ذكروا الشباب عن التوصيل بالرياض تخيلوا 8 شهور نطرالاتصالات يركبون لنا دي اس ال والله لو هو ببلاش كان عذرناهم

[ابراهيم السعيّد]

الخدمه يقولون قريبه

والتقديم انتظار للعلم

وفقط يطلبون التقديم علشان لو صار فيه اولوية في التركيب بعدين يكون حسب الملفات المرفوعه والمرصوصه في ملف افرنجي :(

[المحمل]

حيا الله الّي ردوا كلهم ..
مسير
كوكتيل
عبد العزيز
انا اتكلم عن ثادق .. وليس عن الرياض !!
=========
الرياض .. اوسخ بنية تحتيّة فيها.. في العالم وليس في الدول العربية .
تصدقون ان 30% من شبكة المياه في الرياض ليس لها خرائط.. يعني ما يدرون عن اماكنها !!
المجاري نختلطة بالمياه في كثير من الحارات !!
الرياض حوسة× حوسة .
تخطيط الأحياء من اسوأ المخططات ..
( وصف بيتكم لواحد .. عشان تعرف كم هو معقد ) .
الرياض كنّه شبكة طائرة .. مفكوكة .
الأمور في الرياض ماشية بالبركة.. ( شختك بختك ) .
لذلك لا تلومون اهل الرياض .. ولا تطلبوا منهم المعقول ( فهو عندهم من المستحيلات ) .
==================
لكن ثادق ممكن تصير الخدمة احسن من الرياض .. لأن ثادق ما تجي ولا ربع حي من احياء الرياض .
ولو صارت اسوأ في الخدمة والتنفيذ .. فليس بغريب .. فهي تبع الرياض ..
والّي يلعب هناك .. سيلعب هنا .

[مسير عليهم]

هههههههههههههههههه
لا تعليق على كلامك ابد ابد ابد

[الباحث عن الحقيقة]

بشارة خيرأخي الحبيب المحمل ..

وإن شاء الله يكون الأتصال ممتاز وبدون إنقطاعات ..

[عبدالعزيز]

عقبال ما يحطون وايرلس في التاج :shutup:

وكودهم بعد يتهورون ويحطون شارع ذكي بعد :nosweat:


والله إني متحمس للخدمة مرة .. مع إني من سكان الرياض ..

لكن الواحد يتحمس لأهله وعيال عمه أكثر من حماسه لروحه ..

الجملة الأخيره يبي لها تصفيق :clap:

[أبو علي]

أملنا بالله ثم بالمحافظ في إدخال هذه الخدمة بثادق ... نظرا لصلته برئيس الاتصالات

بمنطقة الرياض .. من حيث النسب ...

[مسير عليهم]

أملنا بالله ثم بالمحافظ في إدخال هذه الخدمة بثادق ... نظرا لصلته برئيس الاتصالات

بمنطقة الرياض .. من حيث النسب ...


لو هو من الديرة قلنا ايه بس ماظنيت انه جايب خبر !

[الخيال الواسع]

الله يعجل به وينفع به

عقبال ما يحطون وايرلس في التاج :shutup:

وكودهم بعد يتهورون ويحطون شارع ذكي بعد :nosweat: :clap:

خخخخخخخخخخخخخخـ

واير لس في التاج
الله يرجك

لا تنسى الجلسات يحطون وايرلس

[كشكول]

الحمد الله اثمرت جهود بعض الشباب عندما قاموا بالتقديم على هذه الخدمة عبر 907
عندما وضعنا هذا الموضوع في السابق :

http://www.th3diq.com/vb/showthread.php?t=1284

اقل شي ان شركة الاتصالات عطتنا وجه في هذا الخدمة علما ان حريملاء والقصب عندهم هذه الخدمة من عدة اشهر....

المشكلة ان اجهزة الدي اس ال (الكبائن الرقمية) موفرة من عدة اسابع ولكن .... ماسبب تاخير تركيب هذه الخدمة ....

[معذب الشاشات]

بشائر خير


على طاري التاج والواير لس >> هل لازال ابراهيم معلم المطبق موجود ,, ويوسف معلم الشاورما .. أم لاااا ؟

[المحمل]

حياكم الله ..
مسير عليهم ..
الحقيقة توجع بعض المرات..
شكرا لك .
==========
الباحث تسلم على التعليق
وان شاء الله يتحقق ما قلت .
=========
عبد العزيز ..
مشكور على حماسك ياراعي الواير لس .
==========
ابو علي ..
أملنا بالله ثم بالمحافظ في إدخال هذه الخدمة بثادق ... نظرا لصلته برئيس الاتصالات

بمنطقة الرياض .. من حيث النسب ...
( اغسل يدك) .( بل اسبح ) ...
========
مسير عليهم ..

لو هو من الديرة قلنا ايه بس ماظنيت انه جايب خبر !

ياسلام عليك ..
=========
كشكول ..
الحمد الله اثمرت جهود بعض الشباب عندما قاموا بالتقديم على هذه الخدمة عبر 907
عندما وضعنا هذا الموضوع في السابق :
كثر الطق على الحديد يفكه ..
شكرا لك .
========
معذب المطاعم .. هههههههههه

على طاري التاج والواير لس >> هل لازال ابراهيم معلم المطبق موجود ,, ويوسف معلم الشاورما .. أم لاااا ؟

الله يرج عدوك .. حنا وين وانت وين !
شكرا .

=============================
===================
========
ملاحظة هامة .. تهمكم في ( ال دي اس ال ) .
سواء هنا أو في الرياض .
من قبل عشرة ايام من هذا التاريخ .. الغيت رسوم الدي اس ال..اللي كان ياخذها الهاتف.. عند التقديم . 200 ريال .
يعني يحسب عليك الآن ..
رسوم شهرية حسب السرعة + قيمة الاشتراك عند مقدم الخدمة .فقط .
ويقولون ( شعرة من جلد .. ..... فايدة ) .

[فلان بن علان ..!!]

ما نقول إلا إن شاء الله إنه يجي ال ( دي اس ال )


والله إني متحمس للخدمة مرة .. مع إني من سكان الرياض ..

لكن الواحد يتحمس لأهله وعيال عمه أكثر من حماسه لروحه ..

[ولد الديرة]

كفو والله ..

خبر اكثر من رائع ..

خدمة الدي اس ال .. راح تسوي نقلة كونية لسكان ثادق الكرام ..

ولموقع منتديات ثادق ايضا .. بانتظار طفرة في تنكلوجيا ثادق dd

تحياتي

[العبود]

بشائر خير


على طاري التاج والواير لس >> هل لازال ابراهيم معلم المطبق موجود ,, ويوسف معلم الشاورما .. أم لاااا ؟

ههههههههههههههههههههههه ذاكرة قوية ماشاء الله

[أحمد المزيعل]

الله يحيي الدي اس ال

ولكن حريملاء تشتكي من عن توفر الخدمة .. ذبحوهم بالوعود

[الوسيطى]

زد على ذلك إن المحمديه على خبري ما بعد جاهم شي ..

بالذات المربع اللي بين الملك فهد والملك عبدالله والتخصصي واسكان الخارجيه ..


,,,

انا ساكن في الأسكان اعرف ناس عندهم دي اس ال (جيرانا)dd

بس انا مابعد وصلي:schmoll:

[عبدالعزيز]

انا ساكن في الأسكان اعرف ناس عندهم دي اس ال (جيرانا)dd

بس انا مابعد وصلي:schmoll:

حلو ,,

شفت شارع الصبات اللي بين الإسكان ودار المحمديه النسائية ..

أنا أقصد المربع اللي فيه الحديقة ..

ودار المحمديه والمسجد اللي إمامه د.إبراهيم العبود ..

عاد الحين ولده محمد الإمام الظاهر ..

الزبدة ذيك المنطق هي اللي ما فيها دي إس إل ..

ولا أنتم حقين الإسكان ماشاء الله عليكم .

لو تبون بيض الصعو جابو لكم :evil_lol:

[أبو علي]

أرجوا عدم الخروج عن صلب الموضوع

[الحزن الاكيد]

ويقولون ان الخدمة ستنزل بعد شهرين من الآن21- 3-1428 هـ .

يقولوونه

[المحمل]

يقولوونه

عزيزي الخزامى .. حياك الله ..
عن الطنازة .. :harhar1:
لا تستغرب اخي .. ولا تحرص على الانتظار .. فــ ( انت في السعوديّة !!!) .
الحمد لله هناك بدائل ..
صح انها تقص الظهر .. لكن تفي بالغرض ولو مؤقتا !!!

[الصريح]

يارجال ان جاء بعد سنه زين
حنا يا سكان الرياض ما جانا الا بعد 6 شهور

[بن_ماجد]

اقوووووووووووووووووول .. ردد ياليل ماطولك !!!!!!!!!!!!!!!!

[هلالي و الراس عالي]

الله يعطيكم العافيه

اخوي

[فارسهم]

بشاره ساره

الله يتممها على خير

[الحزن الاكيد]

ههههههههه ياحليهم الاعضاء يحسبونه موضووع جديد

فعلا هذا شي مب غريب نحن في السعوديه

العذر والسموحه المحمل بس من قهري