باأهل البير ترى العيد جاء وراح

[فحل الجو]

البلدة النائمه :strongsad:
هذا أسم البير أيام العيد مريت مساء يوم العيد عابراً الطريق بإتجاه ثادق وانا وسط البير أتصلت بعمتي مضاوي اللتي تسكن في البير وسئلتها : عندكم علم ان اليوم عيد ؟ قالت ياربيه يافحل هو فيه أحد مايدري ان اليوم عيد.. انحن مصلين العيد على التراب بدون فرشات يقولون المسؤلين أعظم للأجر ... الله يخلف علينا وفي ثادق يقولون ان طول شعر الزل عندهم يجي شبر:surrender:... والزل الموجود عندنا في مصلى العيد متقطع وكله أرضه:icon28: ,
قلت لمها وين الأحتفال وين العرضات وين أهل البير ؟ قالت ماعندنا والي يجمعهم ,,,
مالنا إلا نسمع أذا هبت من شرق طق أهل الصفرات الأبيه ، وان هبت من قبلة نوحي
طق أهل ثادق ونشوف شروختهم وهي تقادح .....
هذي رسالة لأهل البير وعلى راسهم أميرها .... وانا لا أقصد أقامة العرضات والطق ولكن
جمعة أهالي البير على العشاء وإلقاء القصائد والسلام بعضهم على بعض وان كان هذا الوضع
سيستمر سوف أوفر حافلات على حسابي الخاص لنقل أطفال البير الى ثادق للتمتع بالفعاليات
الخاصة بهم ....
نعم لسعة الصدر :) لا للغلدمه والتكة :mad:

[مثل البخور]

يكفيك من زين الحلايا تشوفه *** لا صار وصل اللي توده صعيبي

[ماريه]

يسوون احتفالات وعرضات للارواح الطاهره معروف ان عدد سكان البير المقيمين قليل وغالبيتهم من كبار السن ووضع احتفالات لازم يكون لها ميزانيه محترمه عشان تبيض الوجه ومدروسه حاليا اشوف ان مالها لزوم دام ثادق والصفرات قايمه بالواجب .شكرا

[ابو نورة]

البلدة النائمه :strongsad:
سوف أوفر حافلات على حسابي الخاص لنقل أطفال البير الى ثادق للتمتع بالفعاليات
الخاصة بهم ....
:mad:

اي والله ودهم بعد لبو فيصل يسلمون عليه في مزرعته مثل هاك والرجال وعيلانه:msn-wink::msn-wink::msn-wink:

وش محرتز"ن" رزك اما العيلان مع عيلان خالتهم وش لك بعد,او تبي تفتح فرع "للركية" في بلدة البير


سلم لي على عديلك "ابو محمد"عبدالعزيز والغبوق عنده هالخميس قل تم

[برق ورعد]

يافحل اهل البير اهل طاعه وقيام ليل وتهجد

ويكفي على ماقلت هبايب الطيران نوح الشرق والغرب

رساله مع التحيه لمعالي امير البير

وقد يعذر لعدم وجود المنسقين من الشباب

الللي يتزهلون بكل شيء

[منحاشه من شهار]

يافحل اهل البير اهل طاعه وقيام ليل وتهجد

ويكفي على ماقلت هبايب الطيران نوح الشرق والغرب

رساله مع التحيه لمعالي امير البير

وقد يعذر لعدم وجود المنسقين من الشباب

الللي يتزهلون بكل شيء

واهل ثادق حقين مراقص واغاني مثلا :busted_red::icon28:

[اورانوس]

يافحل اهل البير اهل طاعه وقيام ليل وتهجد



واهل ثادق وش يصيرون
اشوفهم ماطعوا يجون يوم الحفل

[لبنه & طينه]

اشوى حطوا عندك عز الله لقو محامي

[القنـــ20ـــاص]

نصف الجوائز اللي في ثادق للحروب وربع منها لثادق والربع الأخر لأهل البير

بس اخي فحل الجو والله انك نعم النسيب
اما الباقي الله العالم به

[==الشــامخ==]

عز الله ان العائلة الكريمة مبسوطة بك يافحل صرت محامي لاهل البير

الله يهنيك في اهل البير

[حرحه2002]

البير و ما ادراك بأهل البير هذي ديرة الافتاء في المحمل ولا اتوقع انهم يرون ذلك لبد من التسديد والمقاربه فأهل ثادق والصفرات والرغبه مكفين وموفين والعلم والوقار عند البير
وشكرا

[كيمووللنفس بهجه]

واهل ثادق حقين مراقص واغاني مثلا

هههههههههههه ياحبي لك منحاشه
تصلحين محاميه:)

[فحل الجو]

نستنتج من ردود الأعضاء ان الوناسه يمين وأهل البير الكرام يسار

[فراولهـ]

تصدق ياحفل الجوو فيك خفه دم موب طبيعيه

في احد موكلك علا اهالي البير وعيدهم خلك في عيدك وتعيد بس ولا صم الست ابرك لك

واهالي البير موب في حاجتك ولا نصائحك فيها رجالها وناسها واذا يبغون يسوون عيد ليسوو في حاجت رايك اطرح ارائك علا اهل ثادق وربعك اوك

المشكله فيك ثقه زايده ولا بالعربي فيك (( هيااط))

صم الست بس ابرك لك من ذا البربره اللي علا غير سنع مفهوم

[برق ورعد]

تصدق ياحفل الجوو فيك خفه دم موب طبيعيه

في احد موكلك علا اهالي البير وعيدهم خلك في عيدك وتعيد بس ولا صم الست ابرك لك

واهالي البير موب في حاجتك ولا نصائحك فيها رجالها وناسها واذا يبغون يسوون عيد ليسوو في حاجت رايك اطرح ارائك علا اهل ثادق وربعك اوك

المشكله فيك ثقه زايده ولا بالعربي فيك (( هيااط))

صم الست بس ابرك لك من ذا البربره اللي علا غير سنع مفهوم

حسيت من التعليق ان اهم نقطه فيه

هو الكتابه باللون الاحمر

زعوووووووووووووووله:bye1::bye1:

[د. عاشق ديرة أميمته]

مـــــــــــــــــــــــــــــــــــــــــــــــــ ـــــــــــــــــــــــــــافيه مثل عيد البير يالبى قلوب أهلها
هو على حسب العائلة اللي تتعيد
مب شرط كل أهل البير يتعيدون مع بعض
أعرف ناس من جماعتنا من الربيعة يجتمعون كلهم ويتعيدون مع بعض

[اسير المحمل]

صح لسانك يا فحل الجو 0

[فراولهـ]

[COLOR="Red"] ^^^^^

لا مشالله حكمت علي زعوله لاحول ولاقوه الا بالله

خليكم في احول ديرتكم بس ياحباااايب

[سوآليفه آنآإ]

طيب
ورى عمتك مضاوي ماتقول لرجلها يجمع اهل البير ويعرضووون؟؟

او رجل عمتك مضاوي<<<<ماجازلي فهالسالفه الا اسمها
مايبي وجع الراس


اصلا ماله داعي عرضه لهم المفروض حفل ثادق لها ومراكزها بعد
اجل الصفرات لهم حفل وانحن لنا حفل>>>الله يجمع الشمل

[فحل الجو]

يافحل اهل البير اهل طاعه وقيام ليل وتهجد





أجل صايمين العيد من زود الدين

[حمد السويلم]

اعاده الله علي الجميع

[فحل الجو]

اعاده الله علي الجميع



حدد بالخير او بالشر أفصح عن ما تقصد فالعذال كثيرووون

[سندريلا]

فحل الجو من يقول ان مافيها عيد من صباح الله خيروالاهالي يجتمعون ويعيدون وموشرط عرضات واحتفالات ((الفرحه بالقلب )) يتعيدون مع بعض الرجال عندالمسجدوالنسوان في بيت واحلى جمعه وناسه وساعة صدرهذااول يوم وثاني يوم تلاقي غالبية اهل البير بالرياض متجمعين باستراحه من الصبح لحدالليل ((والسنه الجايه ابسال عن خالتك مضاوي وامرعليها تشوف العيدوتنبسط وكان ودها اتخاويناللرياض ماعندي مانع يعني لازم نسوي اعلان<<<okالسنه الجايه ابسويلك دعوة))ويبقى الكل ينام على الجنب اللي يريحه((

[برق ورعد]

اهل طاعه ياناس وقيام ليل

وبعدين لو قامت احتفالات في البير كانت غابت شمس ثادق بقلة الحاضرين

اجل من بياخذ جوايزهم ؟؟؟

[SOSO]

تصدق ياحفل الجوو فيك خفه دم موب طبيعيه

في احد موكلك علا اهالي البير وعيدهم خلك في عيدك وتعيد بس ولا صم الست ابرك لك

واهالي البير موب في حاجتك ولا نصائحك فيها رجالها وناسها واذا يبغون يسوون عيد ليسوو في حاجت رايك اطرح ارائك علا اهل ثادق وربعك اوك

المشكله فيك ثقه زايده ولا بالعربي فيك (( هيااط))

صم الست بس ابرك لك من ذا البربره اللي علا غير سنع مفهوم

يااااااااااااجعلك في جنآت ربي ..
والله انك قلتيهآ بالحرررف :icon30: ..

وبعدين يافحل مو محتاااجين لباصااتك < خلهآ لك تمشور فيهاا ..
وعلى قولتها صم الست ابرك لك dds :shutup: ..


فراااوله .. حبي لك :icon26:

[عاشق المحمل]

مااقوال الا حض اهل البير بي فحل الجو متبعهم اول بي اول

[كيرم ثادق]

عاد حدكم حرمتي من البير بلا سب زايد الا عندهم احتفالات بينهم وعواءل كثيركل سنه يجتمعون في مزرعه

[مجنون الركب السود]

عقب هالرد فحل الجو .................. :


فحل الجو من يقول ان مافيها عيد من صباح الله خيروالاهالي يجتمعون ويعيدون وموشرط عرضات واحتفالات ((الفرحه بالقلب )) يتعيدون مع بعض الرجال عندالمسجدوالنسوان في بيت واحلى جمعه وناسه وساعة صدرهذااول يوم وثاني يوم تلاقي غالبية اهل البير بالرياض متجمعين باستراحه من الصبح لحدالليل ((والسنه الجايه ابسال عن خالتك مضاوي وامرعليها تشوف العيدوتنبسط وكان ودها اتخاويناللرياض ماعندي مانع يعني لازم نسوي اعلان<<<okالسنه الجايه ابسويلك دعوة))ويبقى الكل ينام على الجنب اللي يريحه((