قصة إنطفاء الكهرب في ثادق..؟؟!!

[بنت أبوها]

:bye1:
وأحنا جالسين في الحوش ونقبقب بالعصير والشاهي والحليب ونبلع في هل البطاطس

والمكيف ينفخ في وجوهنا إلا ويطفا النور ولا لمبأت الشارع منفتحه... أنتفضنا مكانا

ماتشوفون إلا الغبره ورانا دخلنا البيت ماش مرتاعين... وش السبب ونسمع الدفاع

يسعسع في الشوارع.. ونشغل الشموع(إنصهرنا)قعدنا تقريبا نصف ساعه أو أكثر وإلا يشتغل ........



بعد هل القصه اللي مالها داعي أبي أسأل وش قصت إنطفاء الكهرب ؟!!
:bye1:

[انامين؟؟]

ايه صح وانا اسأل وش القصه
عاد اتوقع التماس
غرف قلوبنا من الروعه

[المحمل]

وش عليكن من طفية الكهرب .. !!
الا وش مصحيكن الى هالحزّة ؟؟
==============
طفا الساعة وحدة وثلث .. وولع وحده وخمس واربعين دقيقة .
هل من يجيب العلم .. وش السبب ؟؟

[:+: بنت شيوخ :+:]

الله يعيييييييينكم

[مسير عليهم]

كنت في ثادق لحظة طفيه الكهرب وكنت منسجم اتابع فلم والاالدنيا سودا

حملت حالي وخرجت خارج الملحق وجلست اترقب وجلست اناظر النجوم ومليتوطلعت اشوف العلم والا ثادق ظلمى تروع تقول حنا في بر مريت شركة الكهرب والا الدعوة مهنا احد ولقيت سيارة تبع الكهرب عند عامود كهرب بس حسيت انه فيه بلى اكبر ورجعت البيت وجلستيجي ربع ساعة واشتغل


على فكرة حريملاء والقرينة وصلبوخ طافيه


وتوني واصل الرياض:harhar1:

[كن كن]

الكهرب من زمان ما طفى لازم الواحد ينسجم شوي ويتأمل في النجوم هههههههه

[ثقة بلا حدود]

الكهرب من زمان ما طفى لازم الواحد ينسجم شوي ويتأمل في النجوم هههههههه

[عبير]

الساعه الثالثه ظهراً من يوم الجمعه منسك الكهرباااء بعد الله يعين شكلنا بنعاني

[ابراهيم السعيّد]

السلام عليكم ورحمة الله وبركاته


مسجد الصناعيه راح فيها ثلاثة ارباع النجفات خربن يامال السباه في الركب

منسك = منصك <=-==-=-=-- كن ثادقياًُ حتى الموت

[أحمد المزيعل]

في حريملاء طفى الكهرب من الساعه وحدة ولا اشتغل الا ثمان الصبح في بعض الحواري
احمدوا ربكم ماطفى عندكم الاساعة وارتعتوا اجل وش تقولون في اهل حريملاء

[بنت أبوها]

ماحد عنده العلم..
المحمل: وش ورانا عطــله ترا محنا دجاج...http://www.th3diq.com/vb/images/smilies/harhar1.gif

[فلان بن علان ..!!]

احمدوا ربكم إنه ما طفى الكهرب مثل أهل حريملاء

[العوسجي]

المشكله من الرياض وليس من ثادق وبفضل الله ثم ربط محافظة ثادق بثلاثة خطوط كهرباء رئيسيه تم تشغيل الكهرباء بسرعه بخلاف ماحصل في حريملاء حتى الصباح ونجعل ماحصل يذكرنا الاخره والاستعداد لها

[أبو علي]

احمدوا ربكم

مهوب مثل هاك الحين لو يجي عــج كان يطفي

[بنت أبوها]

الحمــــــد لله

[ثدقاويه]

خخخخخخخخخ

طلعت لليله رومنسيه بس بفطست حرر

المشكله انه يخرب الاجهزه

يرروووووووع الدنيا ظلمه تخلي الواحد يتذكر القبر وظلمته

اللهم اجعل قبورنا روضات من رياض الجنه

[كـاسـر الـخــتـم]

آمــيــن



والله يستر لايتكرر نفس المشكله في المسقبل

[بنت أبوها]

الله يسمع منكــــــــــــــم..

[شفت الي ماشفتوة]

احوووووووة حرررر ووقت الضهر والكرباااااء مطفية نسدد والكهرباء تنطفي
والله حراااام

[بنت أبوها]

خلاص مانسدد عقاب لهم

[ثقة بلا حدود]

خلاص مانسدد عقاب لهم

أنتي الخسرااااانة
................................................

[طيف الخيال]

احمدوا ربكم إنه ما طفى الكهرب مثل أهل حريملاء