صــيدلـــــية

[البويطن الشمالي]

السلام عليكم ورحمة الله وبركاته

أخوني واخواتي الفضلاء بصراحة هذا موضوع دايم يرن - موضوع ولا تلفون -dsa

اول كان فيه صيدلية وحده وماقلنا شي يعني تعبر بس ألحين معقولة ديرة بكبر ثادق مافية صيدلية..!

سؤال سريع للي ساكنين في ثادق:

اذا بغى الواحد فرشاة أسنان؟؟؟

[المحمل]

حيا الله البويطن الشمالي .. والجنوبي ..
صراحة .. صدقت .
الصيدلية هامة بالحيل ... وليت احد يبين ان كان فيه مشروع صيدلية في الطريق .
( اجل تبي فرشة اسنان ) ...
خلك مثل الهنود .. يتمضمضون ب..فحم !!
وسنونهم كنها ( نجف ) تلمع .

[الخيال الواسع]

وين الصيديلة الموجودة عند محل أبو سعود
لا يكون سكرت

[F A H D]

الفرشة تحصلها في البقالة :shiny:

[أبو علي]

الصيديلية موجوده


لكن السوري دوامه مثل الوزير

وعلى مااعتقد أنه يسافر بالصيف

هذي مشكلة

لكن وين التجار الي يستثمرون ؟؟

[مجروح يبا]

الله يخلف علينا

للاسف يهتمون بشي ماله داعي والاشياء الاساسية مثل الصيدلية مافي

ايش يسوي الواحد لابغى يجيب دواء؟؟؟

الله يعينكم

اما حكاية فرشاة تلاقية باقرب بقالة او سوبر ماركت

[البويطن الشمالي]

أضحك الله سنونكم

لا من جد انا البارح وانا أكتب الموضوع قاعد أهوجس هل معقول ان مشروع صيدلية يعتبر خسارة..! يعني لو احد متعود ياخذ علاج للضغط ولا السكر ولا أي مرض مزمن ويكون العلاج محدد له أحتمال كبير ما يلقى في المستشفى نفس العلاج فيضطر انه ينقز للرياض او يوصل احد من اللي يجون الإربعاء.

بصراحه الموضوع تجاري بحت وما نقدر نطالب احد انه يسوي المشروع بس لازم يكثر الحديث عن هذا الموضوع لعل الله ينور قلب أحد المقرشين ويفتح صيدلية تليق بالديرة وأهلها والصيدلية أولاً وأخيراً مشروع تجاري

[مسير عليهم]

للأسف محافظة لا يوجد بها صيدليه

اللي اخبره اقرب صيدلية هي صيدلية محطة العتش اذا هي للحين موجودة

الاجتماع البلدي السابق هل احد تطرق للصيدلية

[$بنـت الشيــــوخ$]

للأسف محافظة لا يوجد بها صيدليه

الاجتماع البلدي السابق هل احد تطرق للصيدلية


8
8
8
مـــــــوت يا........ لين يجيك الربيـــع ... قال الاجتماع البلدي ..!!!

[ابو ابراهيم]

وش دعوة واللي جنب مركز السيف وين راحت له

[مسير عليهم]

سؤالي يابنت شيوخ اقولها بكل صوت علي

استنكار وتعجب لإني عارف انهم ماتطرقوا للصيدليه ولا جابوا خبرها كل همهم مصالحهم الخاصه


للأسف هذا الحال

[الحزن الاكيد]

والله اذا بغينا شي نجيبه من الرياض

والصيدليه اللي جنب السيف خسرانه محد يشتري منها عشان كذا قفلوو

والله الرفوف ما تنقص

اذا على ثادق ناقصه اشياء كثير والتجار يشوفون انه خسساره لان اغلب الناس يشترون من الرياض

ابوي مثلا كلما فكر في محل يطلع له خسران لان الناس يشترون من الرياض او شقرا
ومحلات ثادق كاسده بضاعتهم


اجتماع البلديه مين هم بالضبط !

[حمد الاثله]

اذا صيدلية المستشفى ناقصه ادويه
فما بالك في الصيدليه الخارجه عن المستشفى