ياناس وراى اهل الديرة لهالدرجة ميتة قلوبهم

[ياليت تفهموني]

سلام عليكم

موظوعي اليوم فيه شي يقهر :icon28: الصغير قبل الكبير :icon28:
ورى اهل الديرة مايخافون الله في هالضعوف اللي يشتغلون في المستشفى ويطالبون
وزارة الصحة يحطونهم بدل هالموظفين اللي جايين من كل شنق :schmoll: ومخلين عيال الديرة
كنهم في المولد بلا حمص :tears: والله العظيم ان هالديرة فاشلة واهلها فاشلين بمعنى الكلمة :harhar1: لان مهوب قادرين يحامون حتى عن ابسط حقوقهم مخلين الغريب فيها ملك:sly: واللي لهم الحق كنهم ولا شي عندهم اقصد اللي بشركة طويق كلهم تثبتوا الا عيال البلد طردوهم من المستشفى على ماسمعناقال اقول ماعندهم وضايف شاغره :icon28:
اجل من بيجي يشغل هالوظايف اللي بتجي مو معقوله مستشفى كامل مهوب لاقين وضايف شاغره لهالمساكين اللي بينطردون باكر من وضايفهم ودي افهم واعرف
وين كبار اهل الديرة:dunno: اللي جيدين بالاجتماعات ينفخون صدورهم واذا جاء الصدق ماعندك احد يالله انكانهم صادقين خلهم يوظفون هالموظفين اللي من ديرتنا ثادق اللي بيستغنون عنهم الشركة وانا ادري ان ماعندك احد واذكركم كلامي ان قاله الله وسلام

اخوكم /ياليت تفهموني

[حمد الاثله]

لاحياة لمن تنادي :schmoll:



لاحياة لمن تنادي :schmoll:

[أبو علي]

أخي الكريم

الوظائف هذه تعتمد بالمقام الأول على الشهاده ومدى كفاءة الموظف والدورات التي

يحملها ..

وليس الأتيان بشخص لايحمل إلا الكفاءة وتوظيفه ..

والشباب في الوقت الحالي يرغب بالوظيفة بغض النظر عن موقعها وبعدها

عن ديرته ...

والعبره بالشباب السعودي وليس بالثادقي...

**
أخي الكريم: صاحب الموضوع

في الآونه الاخيره مواضيعك لا تحمل أي هدف يُــــرجى منه ..
فياليتك تتطرق لمواضيع هادفة ومفيده لأهل الديره..

[المحمل]

ياليت تفهموني ..
صبحك الله بالخير ..
اشكرك باسم جميع اعضاء المنتدى على غيرتك .. وحرصك .
=============
ورى اهل الديرة مايخافون الله في هالضعوف
فيه من اهل الديرة ناس ليس لهم قدرة في ذلك ( ليتك تستثنيهم ) .
والله العظيم ان هالديرة فاشلة واهلها فاشلين بمعنى الكلمة
الحكم بالفشل ( كايد ) .. وليس موضوع واحد فيه مافيه من السلبيات .. يجعل الجميع فاشل .
لان مهوب قادرين يحامون حتى عن ابسط حقوقهم مخلين الغريب فيها ملك
راعي الحق ياخذ حقّه... ويمكن ( الغريب ) .. افضل من ولد البلد ، في تخصّص
مثلا .
وين كبار اهل الديرة اللي جيدين بالاجتماعات ينفخون صدورهم واذا جاء الصدق ماعندك احد يالله انكانهم صادقين خلهم يوظفون هالموظفين اللي من ديرتنا ثادق اللي بيستغنون عنهم الشركة وانا ادري ان ماعندك احد
لا تكن متشائما الى هذا الحد ..ان شاء الله ان فيهم الخير والبركة اذا كان الموضوع من صلاحياتهم.. والعلم قد وصلهم .
===================================
الأكيد ان فيه خفايا كثيرة لا نعرفها ..
وليس لنا الا ان ننتظر اضافات ( صادقة ).. الغرض منها الايضاح .وفي صلب الموضوع .
===========
شكرا ( ياليت تفهموني ) :bye1:

[المتفاءل]

.. الرد في الموضوع عن الموضوع الرئيسي .. جزاك الله خير ..:busted_red:

[أبو علي]

.. الرد في الموضوع عن الموضوع الرئيسي ..بارك الله فيك .. :busted_red:

[ابراهيم السعيّد]

السلام عليكم ورحمة الله وبركاته


يمكن المطالبه بحقوق شخص ما او حتى مجموعة ما

دون المساس بكرامة الاشخاص المهمين في هذه المحافظه

فقد عملوا الشيء الكثير في سبيل خدمة هذه المحافظة

ولكن ماينقص المحافظة فعلا هو رجل متفرغ بمعنى الكلمة

يندب من قبل رجال الديره للقيام بالمطالبة وحتى لو كانت المطالبه في وظائف

فليس عيباً ان يتم المطالبة لموظفي الايوان .....

فهم من ابناء البلد وخاصة ان منهم من يحمل الثانوية ودبلومات !!!

وقد قاموا بعمل جبار في المستشفى يشكرون عليه ونتمنى من الله العلي القدير

ثم من اهل ورجال هذه المحافظة وهم المعروف عنهم الاخلاص لكل فرد هنا

وعدم التمييز بين فلان وعلان واسرة واخرى بأن يقفوا بجانب هؤلاء القلقون

هؤلاء المحرومين من رواتب مجزية اسوة بغيرهم فهل تصدقون ان راتب شخص

يحمل دبلوم بعد الثانوية فقط 1200 ريال و!!!

أليس من المنطق ان يتم الاستفادة من خبراتهم ومؤهلاتهم ولو لم يحصل لهم وظيفة

في نفس المستشفى ان يؤمن لهم وظائف في دوائر حكومية او شركات اخرى


وقد اطلعت على حالات بعضهم وقلت له لماذا لاتتزوج يغنيك الله من فضله

قال الامور صعبه والراتب الف ومتين ريال والزواج يبي ويبي ويبي ونحن مهددون

بالطرد من وظائفنا لانتهاء عقودنا اتوماتيكيا بانتهاء عقد الشركة مع وزارة الصحه


--------------------------------

فهل نرى وقفة جادة كما عودونا رجال هذه الديره مع ابنائها في محافل عدة

ان يقفوا مع هؤلاء المساكين وان ينتشلوهم من همهم وقلقهم وخوفهم !!

أظن شخصياً والله اعلم انهم قادرون وقدها وقدود

[ثقة بلا حدود]

أخي الكريم

الوظائف هذه تعتمد بالمقام الأول على الشهاده ومدى كفاءة الموظف والدورات التي

يحملها ..

وليس الأتيان بشخص لايحمل إلا الكفاءة وتوظيفه ..

والشباب في الوقت الحالي يرغب بالوظيفة بغض النظر عن موقعها وبعدها

عن ديرته ...

والعبره بالشباب السعودي وليس بالثادقي...

**
أخي الكريم: صاحب الموضوع

في الآونه الاخيره مواضيعك لا تحمل أي هدف يُــــرجى منه ..
فياليتك تتطرق لمواضيع هادفة ومفيده لأهل الديره..

أضم صوتي لصوت أبو علي .
عشرة على عشرة يا خوي .

[ياليت تفهموني]

اشكر لكم ردكم على الموظوع ولاكن هناك من قام بالرد على الموظوع وبردة قد بين لأعظاء المنتدى وكأنه يحاول يبين أن ليس هناك فرق بين اهل البلد الاصليين وغيرهم من ابناء الوطن الغالي وانا معه في هذه النقطه واختلف معه في كثير من الأمور في خصوص توضيف شباب المنطقة اقصد ثادق ياأخي الكريم قد قيل في القديم ان الذي لا يشعر بالنار الا من وظع القدم عليها اقولك أن شبابنا من ابناء ثادق هم اولى بالوظائف في منطقتهم من غيرهم وهم بحاجة ماسة الى الوظيفة لكي يوفر له عيش كريم (ياخي ماتشوف حالتهم وهم بهاالرواتب القليلة وهو شي مايذكر وبالكاد تسد لو بعض القليل من رمق العيش وتقول خبرة وغيرها واكيد انك لو كنت مكانهم ماكان هذا ردك ابد يمكن تكون انت من تطالب بتوظيفك ولو حارس بالمستشفى لاكن يوم صار الله منعم عليك صرت تقولي الخبرات وغيرها وبعدين من قالك ماعندهم خبرات البعض لهم ثلاث اسنين وهذا اعتقد مايبيله خبره غير هذي )ياخي ابو علي هذا الموظوع من صميم هم ابناء الديرة اللي بمستشفى ثادق اللي بينقطع عنهم رزقهم وهذا قولك يبو علي
أخي الكريم: صاحب الموضوع

في الآونه الاخيره مواضيعك لا تحمل أي هدف يُــــرجى منه ..
فياليتك تتطرق لمواضيع هادفة ومفيده لأهل الديره..

فلا تنظر للمواظيع الا بنظرة شمولية للجميع ولكم تحياتي

اخوكم / ياليت تفهموني

[المتفاءل]

يا((ياليت تفهموني)) مستعد اتم الاستعداد للسعي لدى المسؤولين لتقديم ما هو في مصلحة أبناء الديرة الأصليين أرجو الاتصال بالخااااص.

[ياليت تفهموني]

اشكرك اخوي المتفائل جزيل الشكر والله يبارك فيك ويوفقك لكل خيرواحب اوظح لك اخي الكريم اني ماني من الشباب اللذين يعملون بالمستشفى لاكني والله ماطرحت
الموظوع الا تعاطف مع الشباب اللي مواعدينهم بالائستغناء عنهم من عيال الديرة
وانكنت تستطيع ارجو منك التوجة للمستشفى واخذ ارقام هواتف الاخوان اللي على الشركة ومساعدتهم ولك من الله الاجر والمثوبة.:icon26:

اخوك / ياليت تفهموني:bye1:

[أبو علي]

الله يقويكم لما فيه مصلحه المحافظة وأهلها..

[المتفاءل]

وصلت المعلومة وجزاك الله خير وبارك الله فيك

[ولد جدي]

اخوي ياليت تفهموني ..

احب اقولك هد أعصابكـ لان ماهي ثادق لحالها اللي كذا ..

حتى الرياض العاصمة كذا وما اتوقع ان مستشفى ثادق اللي انت تتكلم عنه ملك احد رجال ثادق .. هو ملك الحكومة وهي احق بمن توظف .. وبكذا اذا تكلمنا عن التوظيف نكلم الحكومة ونوجه الكلام لها وليس اهالي الديرة ..

ولو بيد احد رجالنا ما اتوقع انه بيبخل ولا يقصر في مساعدة اهله واولاد ديرته قبل اي احد .. واللي مافيه خير لاهله مافيه خير للناس ..

تحياتي واحترامي


فهد ..

[حمد الاثله]

ولد جدي يعني الحين وقفت على لغه عربيه؟ وعلى اغلاط املائيه
يعني انت تقول الحكومه هي اللي توظف احنا نطالب بتوظيف اللي بالمستشفى عن طريق الحكومه ما قلنا المستشفى ملكنا .
في ثادق ناس يطامرون مطامر حتى النادي طامرو فيه على انه نادي دخلو على صاحب السمو الملكي الامير الوليد بن طلال بن عبدالعزيز
لماذا ما يدخلون على وزير الصحه او يدخلون على سلمان بن عبدالعزيز او يدخلون على الملك
اين هم عن المستشفى يعني اروح اطامر للنادي؟؟؟
وابناء البلد بالمستشفى بيطردون ؟؟؟؟؟؟؟؟؟؟؟؟؟
طيب ما ذنب من كان بالمستشفى لمدة خمس سنوات
وينتظر تحسين اوضاع المستشفى وبالاخير يقولون لك مع الف سلامه روح دور لك وظيفه
من كان يرضى بأن يشتغل بالمستشفى لمدة سنوات بمرتب يصل الى 910 الى 1200 ريال
يعني انتم تشووفون الوضع عادي بالنسبه لكم لان اللي رجله في الماء غير اللي رجله في النار
مافيه احد حاس في احد
والله يكون بعون اللي شغالين بالمستشفى

[ياليت تفهموني]

اخوي الكريم: ولد جدي بارك الله فيك.
الظاهر انك لوك مطلع على احوال المستشفيات الحكومية اللي بمنطقة قريبة منك تبعد حوالي 80 كمشمال غرب الديرة ماكان هذا ردك تعرف ليش لأن اهل هذيك الديرة رجال ونعم فيهم من غير قصور بهل ديرتنا لاكن انهم صادقين بمنفعت عيال ديرتهم والله العظيم كانو حراس امن وطامر وراهم رئيس المركز والرجال اللي يحبون ينفعون عيال ديرتهم وثبتوهم مع ان شركة الامن اللي موظفتهم مابعد استغنى المستشفى عن خدماته الا بعد ماثبتوا اخر موظف كان عليها وش تفسيرك لهالأمر يابعد قلبي وازيدك من الشعر بيت تراى رواتبهم يومهم على الشركة تبدأمن 900 الى 1500ريال بس
والمستشفى تراه حكومي يابعدي مهوب لاهل هاك الديرة:clap:

[لايكثر]

الاخ / ياليت تفهموني

اشكرك الشكر الجزيل على هذاالموضوع الرائع الذي ينفع شباب المحافظة .

اخي لو نظرت نظره شموليه على مايدور في المحافظة لترى العجب العجاب من تجاوزات المسؤلين في المحافظة .

فمثلاً ... لو راينا المحلات التجاريه في المحافظة لتجد التستر التام على الاجنبي ورمي قرار السعوده في سله المهملات .. فتجد محل الخضار مثلا تجده مملوك لاجنبي .. فتجد ان العامل يوظف السعودي براتب مقدارة 800 ريال علما ان الدخل الصباحي للمحل الخضار في بعضها يتجاوز عشرة الالف ريال ...
وايضا اغلب المحلات التجاريه تكون للاجنبي وفي اخر الشهر يعطي السعودي مبلغ وقدره حسب الالتفاق ...

ايضا انظر الى البلديه تجد فيها الفوضى التامه ومنها ...
خروج الموظفين بسيارة البلديه خارج الدوام ... استخدام السيارات في الامور الشخصيه .. المبالغة في تكاليف المشروعات ... (الدوار الي عند مطعم التاج كلف مايزيد عن مئه الف ريال) ... عدم متابعة بعض البقالات فتجد بها مواد فاسده ... وغيرها

نسأل الله تعالى ان يصلع العباد والبلاد

[سمان الهرج]

الديره تبي بس شوي اهتمام من اهلها الكباريه

ولا على الاقل اللي نقول عنهم كباريه

لانه للاسف اغلبهم للآن يتكلم عن خلافات عائليه وعن ان فلان فيها ماهوب كفو من ينفعه