هل انتهى العمل بالدكات..!

[مسير عليهم]

السلام عليكم

اليوم رحت لثادق وقلت امر على الدكات واشوف التطور اللي صاير فيها ولقيت المراجيح والتشجير ماشاء الله لكن السؤال الطريق المؤدي اليها هل انتهى ..!

اترككم مع بعض الصور

http://th3diq.com/up/uploads/5a68619111.jpg (http://th3diq.com/up/)

http://th3diq.com/up/uploads/895033fc1f.jpg (http://th3diq.com/up/)

http://th3diq.com/up/uploads/7d24977787.jpg (http://th3diq.com/up/)

http://th3diq.com/up/uploads/46a2b5682c.jpg (http://th3diq.com/up/)

http://th3diq.com/up/uploads/a631fcbc3e.jpg (http://th3diq.com/up/)

http://th3diq.com/up/uploads/e3056f00bb.jpg (http://th3diq.com/up/)

المكان حلو لكن ينقصه السفلته وتمنيت المراجيح تكون جميع يعني مثل الحديقة

ولو يحطون دورات مياه(اعزكم الله) للي متطورين وجايين من الرياض :harhar1:
واللي يبي الراحه

وانا راجع لثادق شفت شي وتذكرت ايام زماااااااااااااااان شوفو وش اللي ذكرته تصلح من يحطها توقيع

http://th3diq.com/up/uploads/66f459139d.jpg (http://th3diq.com/up/)

وسلامتكم

وين اخونا سولفي للناس عني يشوف الدكات

[المحمل]

تقرير حلو يا مسير ..
ولكن المحل يبي له شغل عشان يضبط ..
ويبي له ناس متفرغة .. لانجازه بشكل اسرع .. حتى ما يفقد بريقة ..
ويبي له ناس تفكر صح .. وليس بشكل عشوائي .. حتى ما تكثر الخساير على غير فايدة ..
يبي تمديد موية لسقيا الأشجار( ارضي دائم ) .
يبي مظلات على الدكّات .. نوعية جيدة وحجم مناسب .
يبي تشجير اكثر .. مع متابعة .
يبي كهربة الدكات للانارة ( ارضية ) .
يبي ارصفة وسفلتة وانارة ..
يبي مسجد .. متكامل ..
يبي دورات مياه .
يبي تمديد موية عند كل دكّة .
والله يعين .. ويسهّل ..
=====================
وين اخونا سولفي للناس عني يشوف الدكات
عجزت افهمها ؟؟!!

[مهند البدراني]

ماشاء الله

الله يقويهم

[زعيم ثادق]

والله تمام ويعطيك ألف عافية أخوي مسير عليهم

على مجهودك وتصويرك الحلو والله يزيدك

[مسير عليهم]

المحمل

مجمل ماذكرت مهم واذا لام يطبق لن تظهر بالمستوى المأمول بس طلباتك توجع قلوبهم

العام الماضي كنت مع احد الزملاء بالعمل من اهل جلاجل طالعين نتمشى بجلاجل والمجمعة ورحنا مكان اول ماشفته احسبه الهافمون بالشرقية لقيت دكات ولا في الخيال شغل صح
ارجع لدكات مدينتي الحبيبة اتوقع سببين هم الاساس وراء الدكات البسيطة
الاول : العجز
الثاني: ماعندك احد

اللي مافهمتها

سولفي لناس عني

هذا عضو معنا مايدل الدكات وعطيته الوصف بموضوع ثاني بقسم السيارات وقلت اصور له الدكات عشان يشوفها


مهند البدراني

مشكور على المرور


زعيم ثادق

الله يعافيك وشرفني مرورك

[فتى الساحبه]

تقرير ممتاز


ان شاء الله نلقا مكان تجلس فيه


ما فيه أحد يوصف لي المكان لأني أول مرة أشوفها

[فلان بن علان ..!!]

أخويـ فتى الساحبة


شف الصورة اللي قبل الأخيرة أو الصورة الثالثة :sly:

طالع فيها قصر الضيافة وإن صرت ما تعرف قصر الضيافة علمني ,,,


تعرف محطة العتش ؟؟ أدخل مع مفرق ثادق وابتل بتصير على يساركـ الساحبه يا فت الساحبهـ .. :smurf:
وعلى يمينكـ وراط :sly:


وامش الين يجيكـ قصر الضيافة على يمينكــ ,,


عاد ناظر الصورة وبتعرف وين الدكات




عساكـ فهمت من توصيفي :harhar1: :harhar1: :harhar1:



سلاااااااااااااااااااااامـــ ,,,,,:bye1::bye1:

[مسير عليهم]

الله يعطيكم العافية على المرور وبشر يافتى الساحبة ان شاء الله عرفت المكان

ومشكور يافلان بن علان على الوصف ماقصرت كفيت ووفيت

[الباحث عن الحقيقة]

هلا أخوي الحبيب مسير عليهم ..

تغطية وتصوير رائع لعمل الدكات ..


وجهد تشكر عليه بلدية ثادق .. ونسأل الله لهم دوام التوفيق ..

أتمنى أن يكون هناك اهتمام بهذه الدكات من جانب البلدية وكذلك من جانب رواد الدكات من الشباب ..

بالمحافظة عليها وعدم العبث بها ..


لي ملاحظة على مكان هذه الدكات ..

وهي بعدها عن الديرة وكذلك عن الخط ..

وأي شخص بيكون داخل أو طالع ما توقع يشوفها إذا كان ما يعرف مكانها ..

إلا إذا كانت لا توجد قبلها أراضي خاصة بالبلدية ..

[فارسهم]

تقرير أكثر من رائع

الصور ما شاء الله واضحه أنا مريت على المكان في الليل لكن الصور هذي وضحت أشياء لم أراها

نحن نتمنى و نطمح أن يتحسن وضع هذه الدكات لكن السؤال:

هل هم خلصوا من الشغل ؟؟ أو انهم إلى الآن يشتغلون فيها ؟؟

إذا كانوا وقفوا من الشغل و اكتفوا بهذا الوضع , فهذي مشكله !!

لكن الله ييسر


على العموم ألف شكر لك أخوي ( مسير عليهم )

[ابو ابراهيم]

خذو العلم
اي مشروع تسويه بلدية ثادق فهو فـــــــــــاااااااااااشل
لان الموضوع كله مبني على سرقة مال بطريقة غير مباشرة
وما دوار الدفاع الا اكبر دليل
واللي يبي يشوف منتزهات يروح لشقراء وضرماء والروضة ويعرف ان هناك بلديات تشتغل عشان المحافظة

[المحمل]

اللي يبي يروح لها .. ياخذ معه مروحة ؟!
فيه نامس ... الى وقّع ما طار ( راعي محل ) ..
وله سنون .. ويباحرك بعيونه ..
الا ان رحمكم الله .. وهب الهوا .

[مسير عليهم]

الباحث عن الحقيقة

بالعكس عندي موقعها مناسب لكن غير واضح للي مايعرفها


فارسهم

انا مثلك جيتها مره بالليل ولا شفت شي واضح وجيت مره ثانية بالنهار ومثل منت شايف

واسألتك نبي لها اجابه من المصدر


ابو ابراهيم

حنا مانبي نتهم احد بشي..

ومانقول الا الله ييسر الامور


المحمل

لا فيه شي اصغر من النامس مدري وشو اذا قرصك تقعد تفحط في مكانك