المساعد الشخصي الرقمي

مشاهدة النسخة كاملة : إلغاء الدوري وشكر للداعمين والمنظمين وللمنتديات.

د.تركمان
23-07-2011, 04:40 PM
بسم الله الرحمن الرحيم


قررت اللجنة المنظمة لدوري المحمل الرمضاني والعاملة
تحت اشراف ودعم بلدية محافظة ثادق
قررت الغاء دوري المحمل الرمضاني الثاني لعدم
إستجابة الاستاذ/ عبدالعزيز الشيبان لطلب اللجنة والمتضمن اقامة المباريات على ملعب نادي المحمل .
واللجنة المنظمة تشكر محافظ ثادق بالنيابة
الاستاذ/ عبدالله السلامة على تعاونه وتشجيعه
وشكر لبلدية محافظة ممثلة في رئيسها
الاستاذ/ فهد المخلفي .
وكذلك رجل الاعمال /منصور الهويمل و الاستاذ/ سعد العتيق والاستاذ/ ابو فيصل الوهيبي وأحمد الدريهم وماجد الماجد وابراهيم الهويمل
و ماطر العتيبي ولكل من ساهم وشجع عل اقامة الدوري
والشكر موصول لمنتديات ثادق ومنتديات مدينة ثادق على تعاونهم وتفاعلهم وتشجيعهم ونخص بالشكر الاستاذ/ عبدالله السويلم .


وتقبلوا تحياااتي
د. تركمان
المستشار
23-07-2011, 04:59 PM
ورئيس ريال مدريد وراه ماوافق
ماهي الاسباب؟
عبدالله بن علي
23-07-2011, 05:22 PM
وش المشكله والسبب الي خلت رئيس النادي يرفض استضافة الدوره الرمضانيه
الغامض
23-07-2011, 05:50 PM
والله يا ابن شيبان لو انهم بيلعبون في الهدف يحق لك ترفض لكن النادي مهوب ملك لك وللاعبينك الله اكبر يالتدريبات اللي بنحصل وراها نتائج تبيض الوجه كله هزايم وطاطات راس
اخيرا ننتظر منكم مزيدا من الهزائم اللي صارت بصمه عار لكم
لابطوله تشرف ولا موافقه على اقامة دوري يشغل ويسعد شباب المحافظه يعني وش تبي بالضبط
انصح باغلاق النادي او تقلبونه مستودع لمعدات البلديه ابرك بكثييييييير
شكرا للمنظمين والداعمين وان شاء الله تعبكم ما راح يكون خساره لانكم تريدون اسعاد الشباب والله يجزاكم خير ويجعله في موازين حسناتكم
الغامض
23-07-2011, 05:54 PM
وش المشكله والسبب الي خلت رئيس النادي يرفض استضافة الدوره الرمضانيه

يقول النادي مشغول بتدريب اللاعبين :af4::af4::af4::af4:
اشتاقوا للهزايم
فواكه
23-07-2011, 06:00 PM
خيـيـيـيـيـيـر ... وهو على كيفه ...:ba9:
ودي أدري وش يحس فيه ...:giveup:
ومن شايف نفسه نــواف بن فيصـل مـثلاً ...:bz1:


الاستاذ/ عبدالله السلامة على تعاونه وتشجيعه
وشكر لبلدية محافظة ممثلة في رئيسها
الاستاذ/ فهد المخلفي .
وكذلك رجل الاعمال /منصور الهويمل و الاستاذ/ سعد العتيق والاستاذ/ ابو فيصل الوهيبي وأحمد الدريهم وماجدالماجد وابراهيم الهويمل
و ماطر العتيبي ولكل من ساهم وشجع عل اقامة الدوري
والشكر موصول لمنتديات ثادق ومنتديات مدينة ثادق على تعاونهم وتفاعلهم وتشجيعهم ونخص بالشكر الاستاذ/ عبدالله السويلم


سبحاااااان الله .. فرق بين اللي يدعون عليه الناس واللي يدعى لـه ويذكر بالخير ...
والإنسان خصــيم نفـســه ...
كلك ذووق
23-07-2011, 06:29 PM
والله يا ابن شيبان لو انهم بيلعبون في الهدف يحق لك ترفض لكن النادي مهوب ملك لك وللاعبينك الله اكبر يالتدريبات اللي بنحصل وراها نتائج تبيض الوجه كله هزايم وطاطات راس


اخيرا ننتظر منكم مزيدا من الهزائم اللي صارت بصمه عار لكم
لابطوله تشرف ولا موافقه على اقامة دوري يشغل ويسعد شباب المحافظه يعني وش تبي بالضبط
انصح باغلاق النادي او تقلبونه مستودع لمعدات البلديه ابرك بكثييييييير
شكرا للمنظمين والداعمين وان شاء الله تعبكم ما راح يكون خساره لانكم تريدون اسعاد الشباب والله يجزاكم خير ويجعله في موازين حسناتكم




يعطيك العافيه اخوي الغامض واحترم وجهة نظرك تماما

بسس عشان تكون في الصوره اللاعبين ياحياتي مالهم دخل في الموضوع وبالعكس احنا من اول من كان يبي تقام الدوره الرمضانيه وعلى ملعب النادي هذا شي ..

والشي الثاني / بالنسبه للهزايم اول شي النتايج بيد الله احنا قدمنا اللي علينا وما الله اراد انا نتأهل وخصوصا كنا متصدرين العام الماضي لحين الدور الآخر ...

وبالنسبة إنك تنتظر منا مزيد من الهزايم !!

فليه تكون مو متفائل ؟؟ !! أو عشان الرئيس رفض ان تقام دوره في النادي خلتك تتمنى لنادي ديرتك مزيدا من العار على قولتك ومزيدا من الهزايم !!

ياخي اذا انت صدق تبي تخدم نادي ديرتك تعال للنادي قدم اللي تقدر عليه حتى لو تكون لاعب فيه !!

اوما انك تجلس تتكلم على اللاعبين وانت ماتدري وش السالفه فأعتقد ان عليك مراجعة نفسك واحترام الفاظك بارك الله فيك :giveup:
الغامض
23-07-2011, 09:11 PM
يعطيك العافيه اخوي الغامض واحترم وجهة نظرك تماما

[center]بسس عشان تكون في الصوره اللاعبين ياحياتي مالهم دخل في الموضوع وبالعكس احنا من اول من كان يبي تقام الدوره الرمضانيه وعلى ملعب النادي هذا شي ..
وانا ما وجهة الكلام للاعبين انا موجهه لرئيس لانه انا ادري الا اللاعب يجي بامر رئيسه

والشي الثاني / بالنسبه للهزايم اول شي النتايج بيد الله احنا قدمنا اللي علينا وما الله اراد انا نتأهل وخصوصا كنا متصدرين العام الماضي لحين الدور الآخر ...
ايه فالحين بكرة اليد لكن القدم ما فلحتو فيها وانا كلي اماني انكم تحققون بطوله كرة قدم والله ويشهد الله اني اتمنى انكم تحققون بطولات لكن مالنا الا الدعاء والصبر

وبالنسبة إنك تنتظر منا مزيد من الهزايم !!

فليه تكون مو متفائل ؟؟ !! أو عشان الرئيس رفض ان تقام دوره في النادي خلتك تتمنى لنادي ديرتك مزيدا من العار على قولتك ومزيدا من الهزايم !!
والله اتمنى ان النادي يوصل لدرجه الممتازه مهوب مدحدر ولو الود ودي يكون منافس قوي مثل الهلال لكن اللي نسمعه ونشوف يخلي الواحد يتحطم

ياخي اذا انت صدق تبي تخدم نادي ديرتك تعال للنادي قدم اللي تقدر عليه حتى لو تكون لاعب فيه !!

والله لو لي بخص في الكوره جيت بدون مشاوره لكن انا يمين والكوره يسار
[size=4]اوما انك تجلس تتكلم على اللاعبين وانت ماتدري وش السالفه فأعتقد ان عليك مراجعة نفسك واحترام الفاظك بارك الله فيك :giveup:



اللاعبين لهم تقديرهم ولهم احترامهم لكن لا تشبك الامور وخلك في صلب الموضوع وبعدين عطني غلط واحد قلته يا اخي ويا باشا انا ما تلفظت بالفاظ تمس شخصية اللاعبين كل اللي قلته انهم فاشلين في كرة القدم وحرام الشباب ينحرمون من دوري وفعاليه عشان تدريبات تعودنا تكون نتائجها مخزيه
واعلم انكم انتم تقدمون لنادي اشياء جيده ورئيس النادي ما قدم ولا شي يشرف سجله الرئاسي
واصلو في مسيرتكم والعوض ولا القطيعه
خلاص هونت ما نبي نقلبه مستودع لمعدات البلديه بنحوله الى نادي كرة يد عشان كلك ذوق مايزعل علي ولا يزعلون ابطال كرة اليد
مسير عليهم
23-07-2011, 10:18 PM
لعلها خيره من الله

ولك جزيل الشكر اخي د.تركمان على جهودك وتغطية الاحداث اول بأول