هل من مرحب بالمشترك الجديد

[الاسكندر]

اسعد الله اوقاتكم بكل خير

اولا انا مشترك جديد وحبيت المنتدى عشانه بأسم ديرتي والشباب والصبايا الي فيه مهضومين ورايقين

ثانيا / ودي اشاوركم في مشروع ودي اسويه في ثادق لايقل راس ماله عن مليون ريال:bye1: ولا أدري وش احسن شي يمكن ينجح في ثادق ويحتاجونه الناس ويريحهم من المشاوير للدير الاخرى .

الموضوع جاد فلا تبخلوا علي بأ رائكم .


وتقبلوا تحياتي وبأنتظار ارائكم

اخوكم الاسكندر

[ღ˛ღالِرمآنسيِღ˛ღ]

حيآك يالغلآ

منور بيتك الثآني

[الخيال الواسع]

مرحبا ألف والليل عندنا تسوا ألف

فيه مشروع بس ما ادري كم يوصل راس المال
وهو سوبر ماركت متكامل يكون فيه كل شيء من الاحتياجات
ومساحته 40 م أو 50م
بس السوبر ماركت يبيله متابعه اكثر من غيرها من المحلات
والله يوفقك

[فارسهم]

زي ما قال أخوي الخيال الواسع

أو محل رحلات و لوازم البر صدقني ان الناس بتجي لثادق و تدق مشوار عشان زي ذا المحلات خاصة اذا صار متكامل

كما هو الحال في بعض القرى

[الاسكندر]

الله يجزاكم الف خير على الترحيب والاراء ولكن بودي لو استطعنا معرفة العدد الفعلي للعوائل المستقره بثادق وذلك خلال ايام الاسبوع عشان نوصل للقوة الشرائيه لهم :evil_lol: لاتشيلون هم كلنا بنتشارك في المشروع وانا عندي اكثر من فكرة بس لازم اول نسوي دراسة تشتمل على عدد السكان الفعلي من غير الي يسيرون في العطل بس وغيرها من الاشياء الي بنتطرق لها لاحقا فخلونا ناخذها وحده وحده

ياليت الي عنده معلومه عن عدد السكان تقريبا المتواجدين في الديرة ايام الاسبوع يفيدنا به ؟؟؟؟:sly:


اخوكم الاسكندر

[مسير عليهم]

تخيل محافظة مافيها صيدليه متكامله واتوقع هذا اهم شي بالديرة

ومثل ماذكروا الشباب سوبرماركت متكامل ومحل تجهيز رحلات لكون ثادق نقطه وصل ويمرونها كشاته وللأسف مايلقون اللي يبونه

[بن_ماجد]

ايام الاسبوع متواجدين الشياب وبعض الشباب

يعني الديره بعد صلاة العشاء برع ساعه تفضى ولا تلقا أحد ..

اما ايام الخميس والجمعه الي ساكن في الرياض يجيها ولي عنده دراسه ودوام

علطول كل اربعاء يجون للديره وهذا الي عندي ....

[أبو علي]

حياك الله معنا أخوي الاسكندر ..


إذا تبحث عن مشاريع ناجحه بثادق راسلني.. >>جميع الحقوق محفوظة

[طويق نجد]

بارك الله فيك اخوي الاسكندر وجعل ماتقدمه في ميزان حسناتك ونسأل الله أن يعطي منفقا خلفا
ولا ازيد على كلام الاخوان وذلك اقترح بناء متكامل يشتمل على عدة اركان ركن التموينات الركن الصحي ركن الرحلات و و............
فالديرة متعطشة لمثل هذه المشاريع وغيرها

[طويق نجد]

بارك الله فيك اخوي الاسكندر وجعل ماتقدمه في ميزان حسناتك ونسأل الله أن يعطي منفقا خلفا
ولا ازيد على كلام الاخوان وذلك اقترح بناء متكامل يشتمل على عدة اركان ركن التموينات الركن الصحي ركن الرحلات والركن الدراسي و............
فالديرة متعطشة لمثل هذه المشاريع وغيرها

[الاسكندر]

اسعد الله صباحكم بكل خير

اخوي ابوعلي الفكرة ليست حكرا علي او على اي شخص وصدقني كلنا بنستفيد منه سواء الشركاء في المشروع والقائمين عليه او انك تشتري منه وتريح عمرك من المشاوير .

اخوي طويق نجد / لاشكر على واجب وطموحنا ليس له حدود وبأذن الله سيرى النور قريبا وبالنسبة للمجمع الي تتكلم عنه انا لدي فكرة انشاء صالات عرض مثل الموجوده في الرياض وجدة المكونه من مبنى محتوي على دور ميزانين تكون مشابهه للعثيم وغيرة وتكون محتويه على جميع المواد الغذائية والخضراوات ولوازم الرحلات ويؤخذ جزء منه لأنشاء صيدلية متكاملة ( على الله يوافق المصري الي في الشارع العام يجي عندنا ) بس ياليت تشاركوني بأراكم من ناحية :
1 - المكان / وشبة اني حددت المكان وهو جنب عمارة السويلم على شارع الملك خالد والشارع العام وش رايكم فيه .
2 - من لديه معلومه عن صاحب الارض لايبخل علينا بوسيلة الاتصال به كانه بياع واذاهي تبع البلدية بكم اجارها .
3 - ياليت نعرف كم السكان تقريبا المتواجدين حاليا ايام الاسبوع عشان المساحه والمتطلبات مع العلم مافية تسجيل على الراتب :)
4 - احتاج مشرف عليها لعدم تواجدي .مع العلم بأني سبق وتكلمت مع شركة العثيم بهذا الخصوص واعطوني الموافقة بتمويل البضائع يوميا لمدينتنا
5 - طريقة الاستثمار فمن احبب الاشتراك معي بذلك فأنا ارحب به وستكون على شكل مساهمه بحيث يكون نصيبك على حسب راس مالك ( ربي ارزقني وارزق مني ) بشرط ان يكون من سكان ثادق او من اهلها فقط . ( الاولوية لسكان ثادق ) .
6- ماهي شروط البلديه وهل هي معقده ام سيسهلون الامر علينا ( ما أدري ليه اكره البلديه ومراجعاتها ) :icon28:

والف شكر لكم جميعا وتكفون لاتبخلون علينا بأي معلومه ،،،،

اخوكم الاسكندر
المشاريع القادمه ستكون تستهدف شريحة الشباب بشكل خاص

[أبو علي]

اخوي ابوعلي الفكرة ليست حكرا علي او على اي شخص وصدقني كلنا بنستفيد منه سواء الشركاء في المشروع والقائمين عليه او انك تشتري منه وتريح عمرك من المشاوير

أخي الكريم الاسكندر ..

ليس من مصلحتي إخفاء ((المشاريع الناجحه)) بثادق ..

وليس هناك مايدعوا للإحتكار ..!!

بل أردت تقديم النصح والمشورة لك ..وبإمكانك إضافتي لبريدك الألكتروني

حتى أفيدك وتفيدني ..ونخرج بتوصية رابحة نضعها بالمنتدى هنا ..


====
بالنسبة لمشروع السوبر ماركت بثادق ..

أتوقع انه من المشاريع الفاشلة خاصة إذا طابقت الاسعار في السوبر ماركت بالتموينات

لأن أغلب التموينات تعتمد بشكل مباشر ..على ((الحساب)) والدفع آخر الشهر ..

أيضا كثرة التموينات بثادق ..حيث لاتخلو عمارة تجارية من وجود تموينات ..

[الاسكندر]

هلا وغلا ابوعلي

انا كان هدفي اننا نناقش فكره معينه ونقلبها يمين ويسار لين نوصل الى مشروع ذا اهمية ويكون مطروح للكل لنثري الموضوع ونكون ملمين به من جميع الشرائح والافكار

وبالنسبة لملاحظتك حاطها في الاعتبار وركزت على ان مافيه تسجيل لاخر الشهر عشان اشوف ردود الفعل وخرجت بملاحظتك انه مشروع فاشل لكثرة التموينات ولكن لو كان شامل هل تتوقع نجاحه وبالذات لوكان فيه جزء لمبيعات الجمله

ثانيا هي مجرد فكرة تجول في خاطري ولم احددها هي بعينها فياليت تطرح فكره وناقشه مع الاعضاء ونشوف ارائهم في الموضوع

احلى مافي الموضوع اننا مجموعة عقول تفكر في نقطه واحده ومتأكد بنوصل لشي مفيد وانا واثق جدا من هذا

وانا اسف كان فهمتني خطاء


اخوك الاسكندر

[أبو علي]

أخي الاسكندر

انت صاحب المشروع ..لذلك عليك أن تطرح الفكرة ..

وأن شاء الله نفيدك ..


وإذا كنت ناوي على مشروع ورأس ماله كبير ..

فأرجوا مراسلتي ..

حتى أبين لك الجوانب والإيجابيات والسلبيات ..

[الخيال الواسع]

أيضا كثرة التموينات بثادق ..حيث لاتخلو عمارة تجارية من وجود تموينات ..
على كثرتها
بس ما قد شفت بقاله في ثادق فتحت وسكرت خسرانه

انا قلت بقاله كبيره ليش
لاني دايم اذا بغيت غرض او غرضين
لازم امر على بقالتين او ثلاث ولا القا عندهم الي ابيه
فلذالك لو تكون بقاله فيها كل شيء كثيييير من الناس بينصونها لانه ضامن بيكون عندها الي يبيه


لأن أغلب التموينات تعتمد بشكل مباشر ..على ((الحساب)) والدفع آخر الشهر ..
وهذي لزم تكون في الحسبان

[D3BO]

حي الله ولد ديرتنا تو ما نور المنتدى

[فلان بن علان ..!!]

أولا يا مرحبتييين بكـ اخوي الاسكندر ...



ثانيا أرجو أن يكون الاخوان افادوك .. وجعلها الله في موازين حسناتكـ ..