ياهل المزارع وثادق والبير

[بيراوي 2005]

بسم الله الرحمن الرحيم
السلام عليكم ورحمة الله وبركاته


ياهل المزارع وثادق والبير



سؤال لكل شخص في المزارع والبير وثادق

وش ازين عندك المزارع ولا الرياض



انا بعطيكم الفرق

الفرق هو

في المزراع ولا البير ولا ثادق

في المزرعه تنوم على الارض تنوم مبكر وذا قام الديك يصيح تقوم الفجريه

وشف عاد اذا قمت تقوم تصلي الفجر انت والعيال

بعد الصلاه...نفطر وسواليف وها الشاهي الي على الحطب يطلع وش زينه

وهل البيض طازج توك جايبه من الدجاج تو الدجاج بياضه

واذ افطرت واقعدت شوي وريحت الاها الساعه 00\6 الصبح يازين ذاك الوقت

تروح وتحلب البقر والبعارين لا تحسبون الحلب شين لا والله انه زين

واذا خلصت حالب تروح وتشوف ذا الخضره الي في المزرعه والله تستانس

وترقى الجبال وطارد انا وعيال خالك او عيال عمانك

الاها الساعه 00\8 واذ جت الساعه \008 نروح نسبح في المسبح

يسلااااااااااااااااااااام والله ساعة صدر

واذا سبحت واستانسة الاها الساعه 00\10

اذا جت عشر تقعد تلعب على كيييييييييييف كيفك تبي تلعب كوره تبي ترقى الجبال تبي تسوي الي تبي

الاعا الساعه 00\12
اواذ جت 00\12 نصلي الظهر بعد صلات الظهر تقهوى وتعين خير

الاها الساعه 00\1
اذجت 00\1 تغدى عاد شف الغدى لحمه طازجه توها مذبوحه وهل اللبن توه محلوب

او هل الخضره توها مقطوفه
وبعد الغدى نتقهوى هل الشاهي

الاها الساعه 00\3
نصلي العصر او اذا صلينا العصر نروح الديره

عاد شف الديره كلن فيها من بزرين وشياب وعيال

مافيها خوف والله مافيها خوف

تقعد انت وعيال الديره تلعبون كوره تسوي الي تبي

او اذا اذن المغرب ترجع للمزرعه

تصلي وتقعد سوالييف الين صلات العشا

وبعدة صلات العشا نتعشى وننوم

واليوم الثاني نسوي نفس الي نسويه كل يوم


باالله عليك وش احسن حيات المزارع ولا حيات المدن


اعاد وتقديم.. بيراوي والراس عالي

[الباحث عن الحقيقة]

والله من جد المزرعة أفضل لكن ليس على مدار العام ..

فلو كان مثلاً في الإجازة الطويلة يكون الذهاب إلى المزرعة كل شهر لمدة أربعة أو خمسة أيام ..

وكذلك إجازات الأعياد تكون في المزرعة ..

فسيكون اليوم رائعاً جداً ..

مشكور أخوي بيراوي والراس عالي ..

[صـقـر ثــادق]

والله من جد المزرعة أفضل لكن ليس على مدار العام ..

فلو كان مثلاً في الإجازة الطويلة يكون الذهاب إلى المزرعة كل شهر لمدة أربعة أو خمسة أيام ..

وكذلك إجازات الأعياد تكون في المزرعة ..

فسيكون اليوم رائعاً جداً ..

مشكور أخوي بيراوي والراس عالي ..

ممتاز :bye1: :bye1:

[بقايا عاشق]

مشكور اخوي بريداوي على الموضوع والله وانا خوك الديره مامثلها بس انك تستقر فيها وكل يوم اقعد احلب وطلع جبال على قولتك صعبه شوي اذا في اجازات واذا طاع الدوام يعطيك اجازه خخخخخخخ اهلي في العطله يروحون يجلسون اسبوع الى اسبوع ونص ويرجعون الرياض كذا اوكي فله وساعت صدر والي قلته كله فله وساعت صدر بس مهب دايم صدقني تطفش هذا الي عندي ولك مني خااالص التحيه ..

[مسير عليهم]

تبي الصدق يازين حاية الديرة

شف بعطيك الفرق بين حياتك بالمزرعةوحياتي بالرياض

اقوم الصبح واروح الدوام ارجع الساعة 2,20 الين اصلي العصر واحط راسي وأنوم الى المغرب واقوم اصلي واتقهوى مع البابا اواجلس الى العشاء بعد الصلاة عشاء ثم تسدح او اطلع اخذ فره في الزحمة

وش رايك تبادل

[mzaj]

يازين حياة المزارع بس ما تكون مده طويله ...واذا كانت بين فترة وفتره افضل عشان تشتاق لها ....

يعطيك العافيه بيراوي والراس عالي

[F A H D]

^

^

نفس كلام الاخوان وعلاوة على ذلك ان سكان الديرة نشيطين ولا تجيهم الامراض

زي سكان المدن يعني ماشاءالله سكان الديرة تلقاهم فطورهم بيض وخبز بر

وغداهم جريش وقرصان وطبعا كبسة وعشاهم فريك

يعني ماشاءالله اكلهم مفيد جدا

اما سكان المدينة همبرجر وبيتزا ومن ذا الخرابيط

طولت عليكم :)